Loredana është një ndër reperet më të përfolura për jetën e trazuar në çift, problemet gjyqësore për zhvatje dhe suksesin e arritur jashtë trojeve shqiptare.
Ajo gjithmonë është lakuar nga mediat dhe portalet e ndryshme për jetën luksoze dhe shpenzimet e pamenduara që bën.
Loredanën e shohim mjaft aktive në rrjetet sociale ku herë pas here publikon momente nga përditshmëria e saj.
Në disa postime në Instagram, Lori, mama e një vajze, jo vetëm që ka ndërruar stilin, por është parë edhe me një veshje goxha të kushtueshme.
E nëse mbledhim shifrat që Loredana ka shpenzuar për këtë paraqitje do të ngelemi me ‘gojë hapur’.
E gjithë veshja e këngëtares kushton as më shumë dhe as më pak, 102.660 euro.
Sipas faqes së Instagramit ‘Shqip Closet’, vetëm korseja e Lorit ka kushtuar mbi 1 mijë euro.
