Përfundojnë pjesët e para të ndeshjeve të raundit të 5 të UEFA Champions League. Atalanta e nisi shumë keq ndeshjen kundër Midtjylland, pasi është mundur me rezultatin 0-1. Ekipi mik gjeti golin me anë të Scholz. Kaba e uli mjaft bukur dhe shoku i tij goditi fortë me këmbë. Gjimshiti u mundua ta bllokonte, por nuk ia arriti. Shoku i tij i ekipit nuk ndërhyri në dyluftim në ajër, duke i lënë sulmuesin Gjimshitit që nuk e ndali dot.
Interi dhe Borusia Myqengladba janë ndarë në barazim 1-1. Zikaltërit zhbllokuan shifrat me golin e Darmian në minutën e 17. Lautaro asistoi duke e parë në krah të lirë dhe futbollisti italian goditi pa u menduar, duke e kaluar topin poshtë këmbëve të portierit gjerman.
Kur mendohej se ndeshja do të mbyllej me fitoren e Interit, Gladbah barazoi rezutatin me Plea.
Atletiko e Madridit ka “thyer” Bajernin, duke triumfuar me shifrat minimale 1-0. Ekipi spanjoll shënoi me Zhao Feliks, i cili nuk gaboi pas një pasimi të mirë brenda zonësa nga Lorente. Mbrojtja e Bajernit nuk ishte e vendosur mirë dhe sulmuesi i ri “kafshoi”.
Liverpuli dhe Ajaksi janë ndarë në barazim 0-0, ndërkohë edhe sfida tjetër, Porto-Mançester Siti ka përfunduar me të njëjtin rezultat.
