Përfundojnë pjesët e para të 2 ndeshjeve të dyta çerekfinale në UEFA Champions League. PSG është hakmarrë ndaj Bajernit të Mynihut, ku u mund në finalen e edicionit të kaluar.
Parizienët kanë mundur pastër 0-2 skuadrën bavareze. Ndeshja u zhbllokua pas vetëm 3 minutash lojë. Mbape finalizoi me sukses një aksion të bukur, por një pjesë e meritës i shkoi edhe Manuel Nojerit i cili mund të kishte bërë diçka më shumë.
I pafat ishte Çupo Moting, i cili goditi traversën pak momente para golit të francezëve.
Në minutën e 28, PSG gjeti edhe golin e dytë me Markuinjos. Braziliani mundi të mposhtë Nojer pas një asisti magjik të Nejmar.
10 minuta më vonë, Çupo Moting shkurtoi diferencën për Bajernin, duke mbajtur të hapur takimin për 45 minutat e dyta. Ish-ylli i francezëve mposhti Navas me një goditje të skatë me kokë. Merita i shkon edhe Pavard, që dha një asist perfekt.
Në ndeshjen tjetër, Çelsi ka bërë detyrën ndaj Portos. Blutë gjetën golin në minutën e 32 me Mason Maunt. Pas pasimit të Zhorzhinjos, Maunt shmangu bukur mbrojtësin dhe ndëshkoi portierin e Portos me një goditje të bukur.
