Kryeministri Edi Rama ka mbledhur mëngjesin e sotëm drejtuesit socialist të qarqeve të Veriut, ndërsa detaji i rëndësishëm është bojkotimi i Ditmir Bushatit, i cili nuk e mban më postin drejtues në Qarkun e Shkodrës.
Sipas burimeve, në mbledhje u diskutua se deri më 15 gusht do të përfundojë konstituimi i këshillëve bashkiake dhe kryebashkiake.
Porosia e dytë e Ramës për kryetarët e bashkive ishte bërja e planeve të investimeve dhe buxhetimeve, të cilat duhet të jenë gati deri në fund të gushtit.
Gjithashtu mësohet se kryeministri ka kërkuar të evidentohet kontributi i drejtuesve të institucioneve në raport me Partine Socialiste.
“Administrata në territor ka probleme. Në muajin shtator dhe tetor do të bëhet vleresimi i gjithë drejtoreve dhe pastrimi i atyre që nuk kapnin ritmin”– mësohet të ketë thënë Rama.
Kujtojmë që qarkun e Shkodrës tashmë nuk e drejton më Ditmir Bushati, por Valdrin Pjetrin dhe Lezhen Sandër Lleshaj.
Gjatë ditës së djeshme Rama mblodhi kabinetin qeveritar për analinzën e punës së tyre dhe objektivat e shtatorit.