Një vajzë 10 vjeçare ka humbur jetën si pasojë e një aksidenti tragjik të regjistruar mesditën e sotme, në Tiranë.
Bëhet me dije se aksidenti i rëndë ka ndodhur në Allias, në rrugën “Njazi Meka” dhe viktimë ka mbetur vajza 10 vjeçare me inicialet A.P. Shkaqet e aksidentit nuk bëhen ende me dije, ndërsa shoferi i mjetit që e shkaktoi atë, shtetasi me inicialet A.G është shoqëruar në Polici.
E mitura është dërguar me urgjencë në spital por fatkeqësisht ka ndërruar jetë për shkak të plagëve të marra.
Njoftimi i Policisë
Më datë 17.01.2021, rreth orës 12:30, në rrugën “Njazi Meka”, mjeti me drejtues A. G., ka aksidentuar këmbësoren e mitur me iniciale A.P., 10 vjeçe, e cila si pasojë e plagëve të marra, ka ndërruar jetë në spital.
Drejtuesi i mjetit është shoqëruar në Komisariatin e Policisë Nr.4, për veprime të metejshme.
Grupi hetimor dhe sherbimet e Policisë ndodhen në vendngjarje dhe po punojnë për sqarimin e rrethanave të ngjarjes.
