Gjykata e Tiranës ka dhënë masën “Arrest shtëpie” për dy biznesmenët Sino Llanaj dhe Albert Allmuça.
Pesë ditë më parë dy orakët u konfliktuan me njeri-tjetrin për mosmarrëveshjet që kishin për ndërtimin e një pallati në ish-Park. Policia e Tiranës vuri në pranga dy biznesmenët më datë 14 janar, pas konfliktit për ndërtimin e një pallati në zonën e ish-Parkut. Në pranga ranë dhe tre bashkëpunëtorë të tyre.
Si pasojë e të shtënave me armë, mbeti i plagosur një kalimtar i rastit, Klodjan Kamino, ndërsa policia thotë se e ka identifikuar personin që ka qëlluar me armë, por identitetin nuk ia bën publik për arsye hetimi.
Në pranga ra dhe roja i pallatit Shkëlzen Biberi, i cili akuzohet për vepërën penale “Moskallëzim krimi”. Gjithashtu, u arrestua për këtë vepër penale dhe Skender Margjeka, 52 vjeç, dhe Alfred Lumani, 48 vjeç. Për të tre këta u vendos masa “Detyrim paraqitje”.
