Nëpërmjet postimeve në rrjetet sociale, moderatoja e njohur Arbana Osmani na ka treguar se krahas prezantimit, një tjetër pasion i saj është gatimi. Ajo shpesh ndan me publikun gatime të cilat i përgatit vetë në shtëpi dhe që janë nga më të ndryshmet.
E për të gjithë ata që janë kuriozë për gatimet që shohin në postimet e saj, Arbana dha ditën e sotme një lajm të bukur. Moderatorja bëri me dije se shumë shpejt do të publikojë librin e saj të ri me receta gatimi. Në fakt kjo nuk është hera e parë që Arbanën do ta shohim në një sferë të tillë pasi 6 vite më parë, ajo botoi librin e saj të parë me receta i cili u prit mjaft mirë nga publiku.
Teksa ka postuar një foto “të ëmbël” me një tortë në duar, Arbana tregoi detajet e para mbi këtë projekt për të cilin po punon prej kohësh.
“Jam shumë e lumtur të ndaj me ju një projekt për të cilin po punoj prej kohësh. 6 vite pas librit tim të parë me receta gatimi, më në fund erdhi momenti për një të dytë… “Receta për 5 minuta” së shpejti për të gjithë ju që keni besuar tek unë, gjithmonë”, ka shkruar ajo.