Unë jam pro ruajtjes së Teatrit Kombëtar natën, me njerëz e me kamera, për ta ruajtur nga zjarri “aksidental”. Jam pro barrikadës njerëzore për të ndaluar shembjen, nëse Kuvendi miraton kontratën me firmën private, në zbatim të ligjit special.
Shkruan Kastriot Çipi
Sot aktivistë në mbrojtje të Teatrit Kombëtar, një pjesë e të cilëve anëtarë të AMT, janë përfshirë në debate me punonjës të TK, në përpjekje për të ndaluar zhvendosjen e materialeve të ndryshme. Nga komunikimi me ta, m’u bë e ditur se veprimet e tyre ata i konsideronin individuale dhe jo në funksion në AMT. Grupi koordinator i AMT do të mblidhet sa më shpejt të jetë e mundur dhe do të marrë, shpresoj, një vendim, se ku është vija e kuqe në përpjekjet tona të përbashkëta, në mbrojtje të Teatrit Kombëtar.
Meqenëse qëndrimet e një pjese të aktivistëve dhe anëtarëve të AMT janë bërë publike dhe meqenëse kjo ka ndodhur para se të kishte një qëndrim të unfikuar të AMT, po shpreh qëndrimin tim personal, të cilin do ta mbroj edhe në mbledhjen e afërt të AMT.
Unë jam pro ruajtjes së Teatrit Kombëtar natën, me njerëz e me kamera, për ta ruajtur nga zjarri “aksidental”. Jam pro barrikadës njerëzore për të ndaluar shembjen, nëse Kuvendi miraton kontratën me firmën private, në zbatim të ligjit special.
Unë jam kundër përplasjeve verbale e fizike me cilindo punonjës të TK, që respekton ligjin dhe autoritetin e titullarit. Zbrazja e TK ka nisur plot një vit më parë dhe heqja e materialeve të fundit është sinjal se përplasja finale po afron, por kurrsesi jo kauzë për t’u fituar me përplasje, e aq më pak duke konsideruar palë kundërshtare punonjësit e thjeshtë të TK.
Kush mendon se zgjidhja duhet të vijë nga dhuna, duhet ta nisë me atë që ka më shumë përgjegjësi: me Diktatorin Edvin, pastaj me 74 noterët e tij që ngrenë dorën në Kuvend, Qenin e tij të Sulmit dhe të gjithë bushtrat dhe konet që i shërbejnë në Prokurorinë e Përgjithshme, Policinë e Shtetit, KQZ, Gjykata dhe institucione të tjerë të kapur.
