Politikanët bëjnë “gam-gam” me lojë batutash për papunësinë, “Pamfleti” ju tregon shifrat reale në 61 bashki

Familjarët e tyre i kanë në zyra shteti e biznese ku “korren lekë”

Për të rejat më të fundit behuni pjesë e grupit tonë VIRAL në facebook : PAMFLETI

-Lexo edhe:

Tensionet në veri të Kosovës, Rama: Serbët janë peng i një dialogu që ka mbetur rrugëve

Zbardhen emrat, Bardhi, Tabaku dhe Alibeaj në krye të komisioneve hetimore; Basha: Gati ofensiva në parlament!

Pozita dhe opozita e kanë bërë me radhë reagimin ndaj njera-tjetrës, duke replikuar nga “frëngjitë” e zyrave të partive jo me argumente, por me “cic-mice”, taman si “gratë e liga” nga dritaret e shtëpive.

Kështu ndodhi dhe me problemin e papunësisë në Shqipëri. Qeveria doli e tha, se është ulur papunësia, por pa dhënë fakte konkrete se sa është ulur në çdo bashki, kur realisht janë shumë e po shtohen përditë!

Opozita reagoi, duke thënë se 400 mijë shqiptarë, kanë ikur jashtë vendit nga papunësia dhe varfëria, por nuk tregoi konkretisht sa kanë ikur nga çdo bashki!

Dhe “lufta” false pozitë-opozitë vazhdon me parulla e batuta, me hapje panairesh pune fiktive, kur edhe vetë vajzat që shërbejnë për prezantim dhe aplikime të vendeve të punës… janë vetë të papuna dhe paguhen vetëm për ditët e panairit (kështu deklaruan për “Pamfleti” në Panairin e Punës në Elbasan).

Kjo sjellje është lojë e neveritshme mes palëve, mbasi papunësia ka mbërthyer “për fyti” popullin, ndërsa politikanët kanë paga mujore e shpërblime deri në 3 milionë lekë, kanë pensione nga 8900-1400 dollarë, kanë punësuar përjetësisht familjarët dhe të afërmit e tyre në zyra shteti, pasuritë kombëtare dhe tenderët ua japin bizneseve të tyre dhe një klikë b(p)isnesmenësh të lidhur me ta edhe si ortakë!

Ndërsa popullit, i bëhet thirrje të mos iki nga Shqipëria, kur duhet t’ therras “mendjes” e të ul papunësinë që as ata vetë nuk dinë se sa ëshët realisht, për shka se nuk merren fare me të!

“Pamfleti”, po ju tregon shifrat e papunësisë reale, sipas numrit të banorëve që janë në moshë pune në të 61 bashkitë e vendit, deri në datën 30 prill 2018 (jo sipas listave të zyrave të punës).