Politike26 Shkurt 2024, 19:26

Berisha sulmon Belinda Ballukun dhe Bledi Çuçin: Janë pasues të xhelatëve komunistë

Shkruar nga Pamfleti

Berisha sulmon Belinda Ballukun dhe Bledi Çuçin: Janë pasues

Ish-kryeministri Sali Berisha, në fjalën e tij përpara qytetarëve që zhvillojnë çdo ditë tubim poshtë banesës së tij, ka hedhur akuza për zëvendës kryeministren Belinda Balluku si pasardhëse xhelati.

Berisha ka thënë se gjyshi i saj mori pjesë në pushkatimin e intelektualëve me hyrjen në Tiranë të forcave terroriste.

Sipas ish-kryeministrit, sot partinë e krimit e drejtojnë të gjithë pasardhësit e atyre që gjatë regjimit pushkatuan intelektualët.

“Sakrifica sublime për vlerat janë një kushtrim i vërtetë sot për çdo shqiptar.

Janë një thirrje për të gjithë shqiptarët të refuzojnë, të hedhin poshtë këtë diktaturë, e cila nuk ka në bazë sot doktrinën e Marksit, por ka në bazë Aleancën e Qelbësirave, aleancën e pushtetarëve me bandat kriminale, me hajdutët, me trafikantët, me vrasësit, përdhunuesit, llumin e shoqërisë shqiptare.

Të dashur miq, ju rikujtoj sot se me porosi të Hitlerit shqiptar të pasluftës, Enver Hoxhës, listën e intelektualëve që duhej të ekzekutoheshin atë natë e bënë dy vrasës seriale, Mehmet Shehu dhe Edip Çuçi, nipi i të cilit sot drejton grupi parlamentar të partisë së krimit.

Sot partinë e krimit e drejton ish-bastardi i xhelatit hoxhist që firmosi varjen në litar të poetit Havzi Nela.

Sot ekonominë e drejton Ballukja, gjyshi i të cilit ishte një xhelat i vërtetë, mori pjesë në pushkatimin e intelektualëve me hyrjen në Tiranë të forcave terroriste.

Ndaj dhe këta bastardë sigurisht nuk mund të vendosin këtu doktrinën marksiste dhe leniniste si bazë për sundimin e tyre. Por vendosin krimin, vendosin dhunën, vendosin vjedhjen, vendosin varfërinë, mohimin e të drejtave të opozitës, burgosjen e drejtuesve të saj, asgjësimin e të drejtave politike të opozitës në parlament.

Një Shqipëri pa opozitë është qëllimi i Edi Ramës dhe i mafies ndërkombëtare.

Një Shqipëri pa opozitë është synimi i narkoregjimit të tij”, tha Berisha në fjalën e tij.

sali berisha regjimi