Politike15 Prill 2024, 10:57

Nga interpelanca e Nasip Naços me Ministrin e Mbrojtjes te ndryshimi i ligjit për prefektin, çfarë u diskutua në mbledhjen e grupit të PS-së

Shkruar nga Pamfleti

Nga interpelanca e Nasip Naços me Ministrin e Mbrojtjes te ndryshimi i

Grupi Parlamentar i Partisë Socialiste u mblodh sot për të diskutuar mbi agjendën e kësaj jave në Kuvend.

Kryetari i grupit parlamentar, Bledi Çuçi bëri një prezantim të projektligjeve që janë në rendin e ditës në seancën e së enjtes, e cila siç tha ai do të nisë me interpelancën e kërkuar nga kreu i Komisionit të Sigurisë Kombëtare, Nasip Naço, me ministrin e Mbrojtjes, Niko Peleshi.

Po kështu do të ketë diskutime në seancë për projektligjin "Për prefektin e qarkut"; projektligjin "Për karrierën ushtarake në Forcat e Armatosura të Republikës së Shqipërisë”; projektligjin “Për përkthimin zyrtar dhe profesionin e përkthyesit zyrtar”, si dhe projektligji “Për ratifikimin e marrëveshjes, ndërmjet Këshillit të Ministrave të Republikës së Shqipërisë dhe Kolegjit të Evropës, për hapjen e degës së Kolegjit të Evropës në Tiranë”.

Pas largimit të Benet Becit, Çuçi propozoi deputeten Enslemvera Zake për Sekretare të Grupit Parlamentar, propozim që mori mbështetje nga të gjithë deputetët e pranishëm.

grupi parlamentar i partisë socialiste nasip naço bledi Çuçi