Politike22 Prill 2024, 21:20

“Rama ia ka besuar lidhjet me krimin Engjëll Agaçit”, Berisha: Mafioz i shpëlarë, i zhytur në vjedhje dhe abuzime

Shkruar nga Pamfleti

“Rama ia ka besuar lidhjet me krimin Engjëll Agaçit”,

Ish-kryeministri Sali Berisha ka thënë se Edi Rama ia ka besuar lidhjet me krimin Engjëll Agaçit, të cilin e cilëson si mafioz të zhytur në vjedhje dhe abuzime.

Berisha theksoi se Rama ka blerë mediat dhe bandat me miliona. Ai shtoi se vetingu u përdor si gjueti shtrigash.

“Dokumentari fakton se aktet ligjore, nënligjore të vendit, vendimet e qeverisë, lidhjet me krimin, në të dy anët e Adriatikut, Edi Rama ia ka besuar Engjëll Agaçit, këtij mafiozi të shpëlarë, të zhytur në krime, vjedhje dhe abuzime.

Dokumentari fakton se si vetingu u përdor për gjueti shtrigash. Se si u nxorën nga sistemi të gjithë ata burra dhe gra që guxuan të lëshojnë fletë arresti, të arrestojnë serial killerët, të arrestojnë bosët e bandave që ishin miq të qeveritarëve të sotëm.

Të gjitha këto në një dokumentar mjaftojnë për të rrëzuar tre herë një qeveri. Por kjo nuk ndodh sepse kjo qeveri ka blerë mediat, ka blerë bandat, ka blerë me miliona e miliona, me korrupsion transnacional, McGonigal dhe kompani. Ç’mbetet atëherë miqtë e mi? Mbetet të marrim fatin në dorë një minutë e më parë. T’i dalim fatit tonë për zot”, tha Berisha.

sali berisha