Politike25 Qershor 2024, 10:41

Washington Examiner: Edi Rama, një autokraci e stilit turk me mbështetjen e zyrtarëve amerikanë të korruptuar!

Shkruar nga Michael Rubin
Washington Examiner: Edi Rama, një autokraci e stilit turk me
Kryeministri Edi Rama dhe Sekretari i Shtetit Antony Blinken

Amerikanët shpenzojnë miliona dollarë kundër korrupsionit, Shqipëria bëhet gjithnjë më e korruptuar

Presidenti Joe Biden dhe Sekretari i Shtetit Antony Blinken janë në të njëjtin mendim.

Korrupsioni dëmton rritjen ekonomike, pengon zhvillimin, destabilizon qeveritë, minon demokracinë dhe nxit paqëndrueshmërinë globale”, thuhet në komunikatën e tyre për shtyp duke shpallur strategjinë e SHBA-së për të luftuar korrupsionin.

Mjerisht, si shumë të prekur nga burokracia, planet me qëllime më të mira përfundojnë duke bërë të kundërtën.

Problem këtu është edhe Agjencia Amerikane për Zhvillim Ndërkombëtar dhe tradita e ambasadave amerikane. Administratorja e USAID-it, Samantha Power është e aftë me njoftimet për shtyp dhe vetëpromovimin, por më pak me menaxhimin në bazë.

Ajo bazohet në matjet që vlerësojnë programet e USAID-it sipas parave të shpenzuara dhe jo qëllimeve të arritura.

Ndërkohë, shumë ambasadorë dhe ekipe të SHBA-së i japin përparësi marrëdhënieve të mira të punës me presidentët dhe kryeministrat në vendet ku ata janë të vendosur, në vend që të rrezikojnë të përçmohen dhe kritikohen nga ata.

Këtu duhet marrë shembull rasti i Shqipërisë.

Sipas David Wisner, i ngarkuari me punë në Ambasadën Amerikane në Tiranë, Shtetet e Bashkuara kanë investuar mbi 27.5 milionë dollarë në programet e zbatimit të ligjit dhe reformës në Drejtësi në Shqipëri.

Programet kundër korrupsionit vlejnë miliona dollarë, edhe pse Shqipëria bëhet gjithnjë e më e korruptuar, ku kryeministri Edi Rama kërkon ta kthejë nga klubi evropian i demokracisë në autokraci të stilit turk.

Freedom House e rendit Shqipërinë si më pak të lirë se Qiproja veriore e pushtuar nga Turqia.

Të marrim parasysh rastin e ish-zëvendëskryeministrit Arben Ahmetaj, një aktivist i demokracisë, i shkolluar në Universitetin e Kentakit, i cili u ngjit vazhdimisht në radhët politike shqiptare, ndërsa votuesit përqafuan orientimin e tij properëndimor, meritën teknokratike dhe kompetencën e përgjithshme.

Në korrik 2023, kur ngritja dhe popullariteti i Ahmetajt filloi të kërcënonte kryeministrin shqiptar, prokurorët e emëruar nga Rama urdhëruan Strukturën e Posaçme Kundër Korrupsionit dhe Krimit të Organizuar t'i hiqte imunitetin e deputetit dhe ta arrestonin.

Ahmetaj ishte me pushime jashtë vendit dhe nga frika për jetën dhe familjen, vendosi të mos kthehej.

Teksa Kushtetuta e Shqipërisë ndalon paraburgimin arbitrar, 52% e popullimit të burgjeve në Shqipëri, janë në paraburgim.

Ish-prokurorët amerikanë që inspektuan akuzat arritën në përfundimin se ato ishin një farsë, e pambështetur nga asnjë provë.

Rama akuzoi Ahmetajn për korrupsion në një tender për një incenerator mbetjesh në vitin 2015, por Ahmetaj nuk kishte asnjë rol në atë dosje.

Akuzat se Ahmetaj pranonte udhëtime jashtë vendit u rrëzuan kur zëvendëskryeministri paraqiti fatura dhe deklarata bankare që vërtetonin se kishte paguar në atë kohë. 

Ahmetaj nuk ishte viktima e vetme e akuzave të rreme për korrupsion. Rama burgosi Fredi Belerin, një shqiptar etnik grek, për të anashkaluar fushatën e tij për t'u bërë krye bashkiak i Himarës, një qytet në rivierën shqiptare. Akuza? Blerja e katër votave.

Motivimi i vërtetë i Ramës duket se ka qenë të hiqte qafe çdo politikan që qëndronte në rrugën e planeve të tij për zhvillimin e pasurive të paluajtshme shumë miliarda dollarëshe.

Mjerisht, si me Ahmetajn ashtu edhe me Belerin, SHBA-të kanë ndihmuar pa dashje korrupsionin dhe ambicien e Ramës.

SHBA ka investuar miliona dollarë në Strukturën Speciale Kundër Korrupsionit dhe Krimit të Organizuar. Teksa gjykata filloi si një mjet legjitim për të ndjekur penalisht korrupsionin, financimi i SHBA vazhdoi edhe kur Rama e korruptoi dhe e armatosi atë.

Ashtu si një sërë ambasadorësh të SHBA-ve, Yuri Kim, ambasadorja e atëhershme në Shqipëri u sigurua që të kishte një marrëdhënie të qetë me Edi Ramën.

Paralelja me Turqinë vazhdon pasi Erdogan përdori organe të supozuara të pavarura për të vendosur gjoba shumë miliarda dollarësh ose për të sekuestruar prona nga figurat e opozitës.

As Shqipëria nuk mbetet pas. Ndërsa ambasadorët e SHBA dhe USAID shikojnë nga ana tjetër dhe Kina ofron ndihmë, diktatorët kanë rrëmbyer programet kundër korrupsionit të financuara nga SHBA në Somali, Republikën Demokratike të Kongos, Ishujt Solomon dhe Peru.

Mund të jetë tepër vonë për disa vende, por jo për Shqipërinë. Shqiptarët e meritojnë demokracinë, jo diktaturën.

Nëse Biden është serioz për të luftuar korrupsionin, Rama duhet të jetë në bankën e të akuzuarve, jo kundërshtarët e tij./Përshtati Pamfleti nga Washington Examiner