Duket se zhvillimet politike, në fitore të partisë në pushtet PS dhe dështimit të dy partive opozitare PD dhe LSI, ka vënë në lëvizje liderat dhe ish-liderat e këtyre forcave. Ditën e djeshme u mbajt mbledhja e Komisonit Hetimor për hetimin e Presidentit lidhur me shkeljet që kanë ndodhur gjatë kohës që ai ka qenë në krye në Presidencës dhe jo vetëm.
Ajo çfarë nuk pritej ka qenë lëvizja e mazhorancës në komision ku u vendos që t’i kërkohet një opinion Komisionit të Venecias nëse kemi shkelje të rëndë të Kushtetutës ose jo. Por me këtë lëvizje duket se socialistët po zvarrisin qëllimisht shkarkimin e Metës.
Mëngjesin e sotëm Presidenca është zgjuar me takime, ku është pritur lideri i PD, Lulzim Basha. Mesa duket Presidenti po e ndjen se litari po i afrohet në grykë dhe po fillon të oraganizohet me gjithë mjetet për të shpëtuar kokën e tij dhe jo vetëm. Kreu i PD është takuar me Metën në ambientet e Presidencës, ku takimi ka zgjatur 40 minuta. Pas takimit kreu i PD është zhvendosur drejt selisë së, ku ka mbledhur aleatët e tij, ndërsa nesër pritet që të fluturojë drejt Vjenës, ku do të ketë disa takime me zyrtarë të lartë atje.