Albin Kurti tashmë pritet të jetë kryeministri i ri i Kosovës pasi fitorja e zgjedhjeve të parakohshme parlamentare nga Lëvizja Vetëvendosje, i jep të drejtën atij për të qenë kandidati në këtë post. Kujtojmë që Kurti ka artikuluar gjithmonë kauzëne bashkimit kombëtar me Shqipërinë dhe Kosovën.
Avokati Spartak Ngjela u shpreh se nëse amerikanët do ta kishin goditur Albin Kurtin gjatë fushatës ai nuk do ti kishte fituar zgjedhjet.
“Korrupsioni nuk është fut duart në thesarin e shtetit, ose te krimi i organizuar. Është edhe raporti me kundërshtarët politikë në zonë. Sikur politika amerikane ta kishte goditur në fushatë ai nuk merrte dot. Pse nuk e goditi?
Pragmatizmi është që midis dy të këqijave do zgjedhim të keqen më të vogël dhe midis dy të mirave do zgjedhim të mirën më të madhe. Programi i Kurtit është më i mirë se korrupsioni paraardhës. Po të donte e godiste. Sa i përket politikës së tyre dhe diksionit patriotik që kanë unë jam me ta. Se si do operojnë në funksion të kohën varet se sa politikanë të mëdhenj do jenë.” – theksoi Ngjela. /Pamfleti