Aktualitet11 Tetor 2018, 11:51

Prokurori që gozhdoi dy super bandat përpara Vettingut

Shkruar nga Pamfleti
Prokurori që gozhdoi dy super bandat përpara Vettingut

Prokurori Adnan Xholi është përballur sot me Komisionin e Pavarur të Kualifikimit. Ai është prokuror pranë Prokurorisë së Përgjithshme që nga viti 2013. Më herët ai ka punuar si prokuror i prokurorisë së Krimeve të Rënda. Trupa gjykuese e vetingut drejtohet nga Brunilda Bekteshi, Valbona Sanxhaktari dhe Suela Zhegu.

Adnand Xholi, i cili ka konfiskuar sipas ligjit antimafia pronat e Aldo Bares. Xholi është gjithashtu prokurori që hetoi vite më parë për grup kriminal dhe trafik droge Emiliano Shullazin dhe kërkoi 18 vite burg për të.

Në lidhje me pasurinë, ILDKPKI ka dorëzuar raportin për vlerësimin e pasurive, ku thotë se deklarimi është i saktë dhe nuk ka kryer deklarim të rremë. Xholi ka një apartament 107 metra katrorë të marrë me kredi, autoveturë me vlerë 4 mijë euro, kursime familjare prej 200 mijë lekësh dhe tokë bujqësore e bashkëshortes në Lushnje.

Nga hetimi u vërejt se për apartamentin të marrë me kredi, gjendja e mbetur për t’u paguar është rreth 3.3 milionë lekë.

Në lidhje me figurën, DSIK ka dorëzuar një raport ku konstatohet përshtatshmëri.

 

 

Aktualitet adnan xholi vetting