Dritan Lleshi është një ndër protestuesit e 21 janarit 2011 i cili është masakruar barbarisht nga policia e kohës. Gjithnjë ai ka deklaruar se kishte prova të forta se nuk ishte pjesë e atyre që demonstruan dhunshëm, por u fut një moment për të ndihmuar një të moshuar që ishte rrëzuar nga shkopinjtë e gomës së policëve, të cilët po rimerrnin kontrollin e territorit të protestës.
Në momentin që z. Lleshi ishte futur në zonën e nxehtë për të tëhequr të moshuarin, një mori policësh specialë janë derdhur mbi të, duke e masakruar barbarisht. Një reporter i huaj i ndodhur aty pranë kishte kapur foton e cila asokohe u publikua në qindra mediume të ndryshme, brenda e jashtë vendit.
Pikërisht sot ky protestues i asaj dite ku u vranë katër të tjerë dhe u plagosën mbi 150 protestues, ka publikuar foton e tij të masakruar nga policia, me një dedikim të shkurtër për ish ministrin e brendshëm të asaj kohe, në të cilin shkruan “Ja dhuna e kafshes Lulush me 21 janar”