Ja 20 drejtoritë me para që ia ka premtuar Edi Rama Tom Doshit/ Kryeministri nuk heq dorë, nga emërimi i drejtorëve të lidhur me bandat e krimit; konfirmuar ky fakt, nga i deleguari i PS, i cili, i raportoi shefit të partisë e qeverisë; se grupi punës i “Rilindja-Shkodër”, kishte hartuar 7 lista me emra kandidatësh për 41 drejtorët rajonalë që ka qarku, të propozuar nga 7 bandat, në të cilët është copëzuar kjo mavi-mavri parti; por nuk është miratuar asnjë listë; mbasi Tom Doshi, Senida Mesi, Ilir Beqja etj., kërkojnë të miratohen “kandidatë klientët” e tyre të kaparosur
Kryeministri Edi Rama, ka përjetuar dy siklete ditën e premte, të cilët i kanë shkaktuar tronditje psikike e rrënim fundor të moralit publik, si kryetar qeverie e drejtues i PS.
Sikleti i parë, ishte me ish-kryebashkiakun Agim Kajmaku të Vorës; përballë detyrimit bashkë-kriminal ndaj të cilit, dështoi dhe e hodhi si leckë; ngaqë shkarkimin e tij nuk e kishte në dorë as ai, as Biba i KQZ e as çifti Marku-Manja; por e kishte në dorë vetëm SHBA.
Sikleti i dytë, është rrumpalla në shtabin “Rilindja-Shkodër”, ku kjo parti e degraduar në program e moral politik si grup dhe në moral individual, të drejtuesve të saj nga qendra në bazë; është ndarë në 7 banda, që po kacafyten për postet e 41 drejtorëve që ka ky qark.
Këtë krizë degradimi të PS-Shkodër e shkaktoi vetë kryerilindësi Edi Rama, me ultimatimin për dorëheqjen e drejtorëve aktualë dhe siç duket; i mbeti “kopili në derë” dhe vendosi të zgjidh personalisht këtë krizë brenda bandës. Në mbledhjen emergjnete, Edi Rama i spostoi e i bëri “hiç”, të deleguarit e kupolës qendrore; ku kryetari i grupit, Tom Doshi, është biznesmen-trafikant; e nuk do mendje të kuptohet, se drejtora në Shkodër, do caktojë miqtë, shokët, të “fortët”, ortakët dhe sekserët e tij.
Debati mes të deleguarve të “Rilindjes-Shkodër” dhe kryeministrit Rama, ka qenë tepër i tensionuar, tipik siç kacafyten krerët e bandave mafioze, që kërkojnë të marrin drejtimin e zonave, kontrollin e territoreve, menaxhimin e pasurive dhe burimet financiare (tenderët, trafiqet e koncesionet), që afron dhe lejon pushteti.
Mirëpo kryeministri Rama, duke qenë “Sulltan” i partisë e qeverisë; i listës së deputetëve, ambasadorëve, kryepolicëve, kryebashkiakëve, prefektëve e drejtorëve; vendosi t’i përzgjedhë vetë 41 drejtorët e rajonit të Shkodrës, duke caktuar Ilir Beqjen, si krye-pazarxhiu që do hartojë listën përfundimtare.
Siç e deklaroi edhe vetë kryeministri Rama; kupola e parti “Rilindja-Shkodër”, prej 2 muajsh e komanduar nga Tom Doshi; e ka kthyer në “tender” përzgjedhjen dhe emërimin e drejtorëve, që do të thotë, “garë me kërkesë oferte”, për ata që duan të bëhen drejtorë, shoqëruar me kushtin: Të firmosin e vulosin gjithçka, pa hapur gojë!
Nga 41 drejtori që ka Qarku-Shkodër; ja 20 drejtoritë që kërkon Tom Doshi
FAKTI/ Ndarjen e PS-së Shkodër, në 7 banda dhe rrumpallën e kacafytjen mes tyre, i ka shkaktuar skenari i trafikantit Tom Doshi; për të marrë nën kontroll këto 20 drejtori “miniera ari”, me 5200 vende pune; me 35% të pasurive kombëtare; me buxhet vjetor 980 milionë euro e qarkullim aktivitetit biznesesh prodhim, treg, import-eksport mbi 4 miliardë euro në vit.
Sipas informacioneve konfidenciale, nga Kryesia e PS-Shkodër dhe kupola qendrore në Tiranë, këto 20 drejtori, pasi janë përzgjedhur nga Tom Doshi dhe banda e tij; i janë premtuar nga Edi Rama e kjo do bëhet fakt, nën maskën e përzgjedhjes nga “aligatori” i korruposionit, Ilir Beqja
Ja o shqiptarë e ju të nderuar anëtarë të thjeshtë të PS që ju përdorin si “dele-vota”; se përse po bëhet lufta e egër mes bandave të “rilindjes” në Tiranë, Shkodër, Vlorë, Durrës, Elbasan, Fier, Dibër, Korçë etj./Pamfleti