Politikanët shpesh bëjnë shfaqje të turpshme nëpër ekrane, duke treguar se janë armiq të njëri-tjetrit. Por, në fakt ata janë të gjithë miq dhe përtej akuzave e përplasjeve në televizione, të gjithë kalojnë kohë me njëri-tjetrin, madje edhe dreka e darka së bashku.
‘Dashurinë’ politike mes PS, PD dhe LSI e tregon edhe fotoja që po ju sjellim më poshtë. Fotoja është shkrepur nga Bashkia e Përmetit, e cila drejtohet nga PD, dhe tregon se politikanët ‘flenë’ me njëri-tjetrin, pavarësisht shoë-t televiziv.
Siç shihet në foto, në dritaret e bashkisë blu janë vendosur flamujt e të trija partive kryesore në vend. Në katin e dytë ndodhet flamuri me logon e PS së Ramës, sipër tij qëndron PD e Bashës, dhe mbi të dy ndodhet Monika e LSI.