Një biznesmen nga Saranda qarkullon paratë e Shpëtim Idrizit, ish-doganieri që po pasurohet me çështjen çame, biznesmeni po ndërton super kompleks në Don Bosko dhe ish-Bllok me vlerë miliona euro, as dheun e gropës së pallateve nuk e çon në Sharrë për të shmangur pagesën e tarifës
Një nga kushtet e panegociueshme që Brukseli i ka vendosur Shqipërisë është goditja e politikanëve, të cilët pastrojnë para përmes personave të besuar, sidomos në fushën e ndërtimit.
Për t’u mos ekspozuar vetë përballë drejtësisë dhe opinionit publik, kokat e korruptuara të politikës së Tiranës, veprojnë përmes biznesmenëve, pseudo/biznesmenëve dhe sekserëve të caktuar, duke kaluar biznesin në emër të tyre dhe qarkulluar paratë.
Pas presionit të Brukselit, qeveria ka hartuar një ligj, për të verifikuar dhe përfshirë në lupën e SPAK-ut, të gjithë njerëzit në hije të politikanëve, që lëvizin paratë, ndërtojnë pallate, marrin lejet dhe kontrata publike apo që ushtrojnë veprimtari të tjera ekonomike.
Ky ligj pritet të godasë edhe Shpëtim Idrizin, ish-doganierin që është pasuar duke përdorur çështjen çame, duke kaluar sa në krah të Ramës, Metës, Berishës dhe Bashës, sipas linjës së pazareve dhe interesave.
Sa herë afrohen zgjedhjet dhe i prishen interesat e errëta, Idrizi del dhe bërtet për çështjen çame, duke mbledhur rreth vetes një tufë klientësh. Si për çudi, këtë herë po ‘mbron’ çështjen çame, në krah të Vangjel Dules, me të cilin është në një koalicion parazgjedhor.
Dule përfaqëson partinë e minoritetit grek në Shqipëri, madje të shqiptarëve që janë blerë nga Athina, ku në këmbim të pensioneve, letrave dhe interesave të tjera, janë deklaruar grekë, edhe pse disa e kanë emrin Gjon, Mark apo Mehmet.
Sipas të dhënave të siguruara, ka dyshime të forta se Shpëtimi Idrizi fshihet pas tre projekteve ndërtimore në Tiranë me vlerë dhjetëra milionë lekë.
Bëhet fjalë për tre leje ndërtimi që ka marrë nga Erion Veliaj, një në ish-Bllok tek selia e LSI-së si dhe një super kompleks në Don Bosko.
Në vijim do të japim të dhëna se pse drejtësia duhet të hetojë këto investime për pastrim të parave të korrupsionit.
Veliaj i ka dhënë lejet me miratimin e Edi Ramës, i cili ka futur Idrizin në ‘thes’.
Rama dhe Veliaj duket se e kanë blerë Shpëtim Idrizin dhe se mandatet që do të marrë PDIU nën siglën e PD-së, janë mandate të sigurta për Edi Ramën pas zgjedhjeve të 25 prillit 2021, për formimin e qeverisë.
Po kush është biznesmeni që qarkullon dhe pastron paratë e Idrizit?
Ky i fundit ka lidhje të forta publike dhe të nëndheshme me biznesmenin nga Saranda A. Ç. Ky biznesmen ka në pronësi bashkë me gruan e tij disa kompani, ndërsa më parë është akuzuar se ndante paratë dhe interesat me Genc Rulin.
Me dobësimin e pozitave të Rulit, A. Ç u afrua me Idrizin, të cilit i duhej dikush për t’i shtuar pasurinë, meqenëse vetë ishte i ekspozuar si politikan. Kompania e tyre, e themeluar në 2015 dhe me një kapital qesharak, ka arritur të marrë leje për të ndërtuar pallate dhe komplekse në zonat më të lakmueshme të Tiranës.
Kompania ka hapur gropa gjigante për ndërtimet, ndërsa nuk dihet se ku e zhduk dheun e hequr.
Burime të sigurta bëjnë e dije se A. Ç nuk e çon dheun në Sharrë sipas detyrimit, me qëlllim për të shmangur pagesat e tarifës së bashkisë, aferë e cila është lejuar nga Erion Veliaj dhe bashkëpunëtorët e tij. Organet ligjzbatuese le të bëjnë një verifikim të thjeshtë të biznesmenit të Idrizit dhe të faturave të shkarkimit të dheut. Biznesmeni është përfshirë në sistematikisht në afera të rënda financiare, pastrim parash, ryshfet në shuma të mëdha, skema klientelizmi, mashtrime dhe falsifikime, pazare nga më të ndryshme dhe grabitje të pasurive publike, por ende nuk ka rekorde dënimi, për shkak të lidhjeve me pelikanë të nivelit të lartë. Kaq për sot!/Pamfleti
