Gërshetim mafioz në Korçë mes korrupsionit të bashkisë dhe bandës së gjyqtarëve e prokurorëve të korruptuar, Sotiraq Filo thyen çdo rekord me tendera
U ngjit në krye të Bashkisë së Korçës si hije e Niko Peleshit, por Sotiraq Filo, i njohur edhe si ‘Raqka i Korçës’, po thyen çdo rekord të paraardhësve të tij për afera korruptive, klientalizëm dhe shpërdorime. Raqka vijon të bëjë kërdinë me paratë e taksapaguesve të Korçës dhe pronat publike edhe nga fakti se në Korçë ndodhej një bandë prokurorësh dhe gjyqtarësh të korruptuar, bandë e cila po shpartallohet nga organet e Vetingut.
Korripsioni i drejtësisë me korrupsionin politik dhe vendor janë pleksur dhe gërshetuar me fije intetesash më shumë se në çdo zonë tjetër të Shqipërisë. Gjatë drejtimit të Bashkisë së Korçës nga Raqka, kemi identifikuar të paktën 135 tendera të zhvilluara me procedura të dyshimta dhe me manovra korruptive, me qëllim për të shpallur fitues klientët e Raqkës dhe ndarjen e parave publike.
Zhvillimi i tenderave me vetëm një kokurent në garë, përkatësisht klientin e Raqkës, përjashtimi i të gjithë konkurrentëve të tjerë, manovra me kriteret teknike etj., janë bërë vetëm me qëllim vjedhje, duke paracaktuar fituesin me ofertë gati sa fondi limit.
Në këtë formë, Sotiraq Filo ka zhvilluar edhe tenderin për mirëmbajtjen e varrezave publike dhe varrezave të dëshmorëve. Tendera dukshëm korruptivë janë dhënë për skemat e ujitjes, ujësjellësa, kanalizime, ndërhyrje në infrastrukturë, siguracione, karburant, blerje makinerish, rikostruksion shkollash, ruajtje objektesh, dezifektim, mirëmbajtje, për mallra dhe shërbime të tjera. E gjithë kjo skemë flagrante abuzimi duhet të jetë objek i SPAK dhe Byrosë Kombëtare të Hetimit, për të parë rrethanat dhe interesat që e kanë shtyrë Raqkën për të kaluar paratë publike në rrethin e një klientele.
Në ditët në vijim do të identofikojmë klientët e Raqkës, me të cilët ka ndarë paratë dhe aferat konkrete për secilin tender, ku në shumë raste nuk janë kryer as punimet sipas standardeve.
Nisur nga kjo situatë e rëndë, mësohet se Kontrolli i Lartë i Shtetit ka hapur letrat aferave dhe shkeljeve në Bashkinë e Korçës gjatë drejtimit të Sotiraq Filos.
Sipas burimeve, grupi i kontrollit ka konstatuar shkelje të rënda me pasoja të mëdha financiare. Raporti i zi pritet të dalë në javët në vijim. Mbetet për t’u parë nëse drejtësia e re do të godasë kokën e korrupsionit në Korçë, apo vetëm ‘peshqit e vegjël’./Pamfleti
