Shfaqja e “Notre Dame de Paris” është një mrekulli e vërtetë. Vetëm në Itali apasionoi më shumë se 4 milionë spektatorë. Por, kujdes të mos e quani shfaqje muzical, artisti i famshëm Riccardo Cocciante saktëson se bëhet fjalë për një “opera popullore në vazhdën e traditës së madhe italiane”.
“Shumë nga publiku do rikthehen për ta parë operand he për ta kuptuar më mirë”. Sidomos pas zjarrit: “Ishte dramatike por edhe një dritë për të gjithë botën “.
Shfaqja pritet të jepet në Milano më datën 17 tetor dhe janë shitur tashmë 40 mijë bileta. “Publiku vazhdon të jetë entuziast dhe pas kaq vitesh. Ka njerëz që e kanë parë 50 herë, fëmijë që i sjellin nënat. Në disa shkolla është bërë një recital për fund vit: Ja është një mrekulli të hysh kaq thellë në kulturën e vendit”, thotë Cocciante.
Pas zjarrit që goditi katedralen, vëmendja mbi operan ka ndryshuar.
“Ishte dramatike, por edhe një dritë për të gjithë botën. Ka të apasionuar edhe në Kinë, ku aktualisht është në kartelë. Të shohësh gjithë këta njerëz që duan të bëjnë diçka, më bëri të mendoj: duhen këto katastrofa për të bashkuar njerëzit?”
Elhaida Dani, 26 vjeçarja shqiptare, ish fituese e “The Voice Italia”, është në turneun e saj të parë italian në rolin e Esmeraldës: “Unë jam si Esmeralda, si ajo edhe unë vij nga një tjetër vend, si ajo dua të krijoj një jetë të re, kërkoj lirinë time. Si ajo ndihem rebele, në të shkuarën kam interpretuar Fiordalison, por unë ndihem si Esmeralda”.
Pas debutimit në versionin origjinal francez në vitin 1998 në Paris dhe në Itali në vitin 2004, prodhuar nga David Zard, spektakli, i marrë nga romani i Victor Hugo është përkthyer dhe përshtatur në nëntë gjuhë të ndryshme (frengjisht, anglisht, italisht, spanjisht, rusisht, koreançe, flaminge, polake dhe kazake) dhe ka kaluar 23 vende në të gjithë botën duke mbledhur më shumë se 13 milionë spektatorë: “Impenjimi ynë i madh është që të jetë gjithçka në nivel të lartë, gjithçka duhet të jetë e punuar me kujdes, që nga regjia tek dritat, nga zgjedhja e artistëve tek veshjet”.
