Roma e nisi me fitore kampionatin italian të Serisë A për këtë sezon, duke dëshmuar se është një pretendente për titull. Këtë e vërteton fakti se mori një fitore të vështirë në duelin ndaj Torinos. Ishte pikërisht një “mrekulli” e Edin Xhekos në minutën e 80-të që i dha fitoren Romës në ndeshjen e parë të Serisë A për këtë sezon.
Kështu, në Stadiumin Olimpik të Torinos sfida po i drejtohej fundit me rrjeta të paprekura, kur Justin Kluivert, ngulmoi nga e djathta e sulmit duke i dhënë një trajektore të fortë topit, që përfundoi në këmbët e sulmuesit boshnjak, që finalizoi saktësisht me një goditje të lehtë por të kalibruar dhe të pakapshme për portierin Sirigu.
Ishte plotësisht e ligjshme festa e Xhekos, që preferoi të hiqte edhe bluzën për këtë trepikësh të marrë në frymën e fundit në një fushë të vështirë. Tashmë Roma ndihet e qetë sepse nisi me fitore sezonin e rid he e pret një rivalitet i fortë me uventusin, Napolin dhe Interin në rrugëtimin drejt titullit kampion në Serinë A italiane. /Pamfleti Sport
