Bota10 Tetor 2019, 19:10

Rrëfimi i gjykatëses famëkeqe serbe që dënoi me 15 vite burg, Albin Kurtin

Shkruar nga Pamfleti
Rrëfimi i gjykatëses famëkeqe serbe që dënoi me 15 vite

Rrëfimi i gjykatëses famëkeqe serbe që dënoi me 15 vite burg, Albin Kurtin

Gjyqtarja serbe e masave të dhunshme e instaluar në Prishtinë, Danica Marinkoviç e cila gjatë viteve ’90 pothuajse ka dënuar të gjithë shqiptarët që kanë refuzuar regjimin serb, ka rrëfyer sot në një televizion në Beograd se si e kishte dënuar Albin Kurtin në vitin 1999 pas arrestimit në Prishtinë gjatë bombardimeve. Ajo ka thënë se Kurti është “nacionalist ekstrem” duke rrëfyer se si para gjykatës kishte refuzuar gjithçka, që nga shtetësia serbe deri te refuzimi i referencës ‘e ashtuquajtur’ kur Gjykata i është referuar Republikës së Kosvës dhe UÇK-së, shkruan Gazeta Express

Albin Kurti në vitin 1999 ishte pjesë e Zyrës së UÇK-së në Prishtinë e cila drejtohej nga Adem Demaçi e ku Kurti ishte si ndihmës i tij dhe përkthyes.

Marinkoviç e ka nisur rrëfimin me arrestimin e Kurtit gjatë bombardimeve të NATO-s nga Policia e Serbisë duke treguar se vetë ka qenë gjyqtare hetuese e rastit.

“Gjatë marrjes së të dhënave personale kur është pyetur se shtetas i cilit vend është menjëherë kam arritur në përfundimin se ai është nacionalist ekstrem, me nacionalitet më tha se është shqiptar,  e kur e pyeta se shtetas i cilit vend është tha i Republikës së Kosovës , pra atëherë as që ka ekzistuar Republika e Kosovës.  Ne i thamë se krahina e Kosovës është në kuadër të Serbisë, ai tha “jo” unë nuk e njoh shtetin serb, është shtet okupator, populli serb është okupator dhe unë jam shtetas i Republikës së Kosovës” ka thënë Marinoviç.

Ajo më pas ka thënë se kur u ka kërkuar daktilografëve që të shkruajnë “e ashtuquajtura Republikë e Kosovës” përsëri ka marrë reagimin e Kurtit.

Marinkoviç  ka vazhduar më tej duke thënë se e ka pyetur nëse Kurti ka shërbyer në armatën jugosllave, edhe këtu kishte marrë përgjigje se edhe “po të merrja ftesë nuk do të shkoja pasi armata jugosllave është okupatore dhe armike”.

“Ai i është bashkuar UÇK-së në vitin 1998, dhe më tha mua mos gaboni ta shkruani e ashtuquajtura UÇK se për ne shqiparët UÇK është ushtri e vërtetë çlirimtare, e cila po lufton me policinë serbe për ta çliruar Kosovën që ta bëjmë shtetin e pavarur” ka thënë Marinkoviç.

Gjyqtarja tani e pensionuar që u ka nxirë jetën shqiptarëve më pas ka rrëfyer për dënimin e Kurtit pas procesit kundër tij në Nish ku Kurti ishte dënuar me 15 vjet burg. Por, natyrisht nuk ka përmendur rrahjen e Kurtit pas refuzimit për t’i njohur autoritetet serbe. Kurti vetë ka rrëfyer se pas kësaj rrahje nuk ka mundur të ec një javë.

Marinkoviç po ashtu ka shkëputur edhe momentin kur Kurti ishte liruar nga burgu, pas presionit ndërkombëtar, refuzimin për të nënshkruar dokumentin që i falë një pjesë të burgut.

Rajoni Albin Kurti Danica Marinkoviç gjykatësja famëkeqe serbe kryeministri i Kosovës