Një boshnjak, me etni rome u arrestua nga policia e Piza-s në Itali me akuzën për dhunë, keqtrajtim dhe izolim të dy bijave të tija. Dy të rejat ishin fejuar me dy burra dhe jo me kushërinjtë, të zgjedhur nga i ati, të cilat i kishte shitur në këmbim të parave .
Për krimin ‘martesë e detyruar’, i ndaluar nga i ashtuquajturi ‘Kodi i Kuq’, bëhet fjalë për arrestimin e parë të këtij lloji, të ekzekutuar në Itali.
Burri akuzohet për dhunë, presion, izolim të dy bijave të tij, njëra nga të cilat kishte arritur moshën e pjekurisë prej pak kohësh. Dhuna, që ka nisur që në moshën minorene të vajzave, për njërën prej tyre, nuk limitohej vetëm me prerjen e flokëve, grushtave, shqelmave dhe praktikave poshtëruese, por shpesh me periudha izolimi nëpër rulotë, ku vajzat ushqeheshin vetëm me bukë e ujë.
Ndëshkimet e pafundme nga babai, kishin të bënin mbi të gjitha për t’i ndaluar vajzat të frekuentonin të dashurit e tyre, pasi nuk ishin kushërinjtë që babai kishte zgjedhur për to, apo më saktë, kushërinjtë e kampit, me familjet e të cilëve ai kishte bërë marrëveshje monetare duke iu kërkuar dhe marrë para, në këmbim të martesës me të bijat.