Interi kapet nga zhvillime të brendshme në prag të duelit derbi me Milanin dhe në fundin e sezonit, që do të thotë se situata nuk është aspak e qetë te zikaltrit dhe kjo mund të ketë ndonjë prapavijë mosmarrëveshjesh midis drejtorit të dorëhequr Valter Sabatini dhe zyrtarëve të lartë të klubit. Sabatini ka dhënë dorëheqjen sot nga posti i drejtorit teknik të Interit. Palët kanë arritur marrëveshjen për prishjen e parakohshme të kontratës, me klubin “Zikaltër” që i uron suksesi drejtuesit italian në eksperiencën e radhës.
Drejtori sportiv, Piero Ausilio, mbetet përgjegjësi i vetëm i zonës teknike të Interit për merkaton. Largimi i Sabatinit, që iu bashkua Interit bashkë me Spallettin, erdhi vetëm pak orë pas shkarkimit të Fabio Kapellos nga posti i trajnerit të Jiangsu Suning. Duket një koicidencë, por në futbollin italian gjërat nuk janë aspak rastësi, prandaj dueht parë pse ndodhi kjo lëvizje në këtë moment. /Pamfleti Sport