Nuk është tregim, por krim pasuror, i çuar në SPAK/ Edhe në këtë dosje falsifikimesh e hajdutërie, personazh pazaresh të pista është gjyqtarja e Apelit Gjirakastës, Irena Spiro Brahimi (Papa); ndërkohë që në çdo dosje (mos) kthimi të pronave në bregdetin Vlorë-Sarandë, del emri i drejtorit të komisionit Petraq Puleri; i cili me Vendim nr.526, datë 30.10.2014 dhe Vemdim nr. 486, datë 07.07.2015 të Gjykatave Fakt e Apel të Vlorës, është dënuar 18 muaj burg për shpërdorim detyre
Është një ndër skemat ekzemplare të grabitjes së pronave në bregdet, është ajo që mafia shtetërore, i ka bërë Bafte Shtyllës (Hajdini), Kastriot e Kozeta Hajdini, me orgjinë nga Borshi i Sarandës, trashëgimtarë legjitimë të pronave të Njazi Dedit, njohur me akt e dëshmi trashëgimie prone, qysh më 7 shkurt 1994.
Pa komente, por referuar vetëm dokumenteve të dosjes pronësore që ka lëshuar vetë shteti, po publikojmë kronologjinë grabitjes së pronës së tyre:
– Më 16.8.1994, Bafte Shtylla (Hajdini) Kastriot e Kozeta Hajdini, janë pajisur me Vërtetim Pronësie, lëshuar nga Arkivi i Këshillit të Rrethit Sarandë, dhe nisën plotësimin e dosjes pronësore me dokomente sipas ligjit.
Më 4.9.2007, u konstatua se Zyra e Shërbimit Pyjor, kishte futur në “rreth të kuq” 20 ha sipërfaqe, me shënimin, se për këtë pronë të “Hajdinëve”, kishte pretendim dhe Komuniteti Mysliman.
Ky pretendim pronësie, ishte sajuar me vendim gjyqësor të datës 29.3.2000, dhënë nga gjyqtari plepist i Sarandës, Alltun Çela; i cili kishte vepruar në mënyrë ilegale; pa përfillur ligjin dhe Vërtetimin e Pronësisë, lëshuar nga Arkivi i Këshillit të Rrethit Sarandë, për pronarët legjitim Bafte Shtylla (Hajdini), Kastriot e Kozeta Hajdini.
Vendim korruptiv i gjyqtarit Alltun Çela, kishte mohuar pronën e familjes “Hajdini” dhe kishte njohur pronën e tyre, në favor të Komunitetit Mysliman.
Bëhet fjalë për 13 pasuri “kullota”, që ndodhen në zonat Konispol-Borsh, ku në pikën 7 të vendimit gjyqësor, Alltuni i pazareve të pista me Balilët e trafikantët greko-shqiptarë, i njohu Komunitetit Mysliman, 98 ha sipërfaqe; nga këto, 86 ha kullotë dhe 12 ha troje, me emër “Bidiova” (Lisipodha).
Pas ankimit të vendimit, gjatë gjykimit, për atë sipërfaqe doli edhe një tjetër pretendues; por me vendim tjetër po të Gjykatës Sarandë, dhënë me datë 30.12.1998, nga gjyqtarja Irena Spiro Papa-Brahimi, njohur prej 19 vitesh për pazare me krimet dhe aferat në Apelin Gjirokastër), kur rekord ka gjyqin për pafajësinë e plotë të një biznesmeni të dehur, që vrau në aksident 5 persona.
Me vendimin e mbivendosur të gjyqtares Irena Papa (Brahimi); shtetasi Sulo Hajdini, megjithëse pa dokumente fillestare bazë të pronësisë; është shpallur pronarë i 23 ha kullotë e 11 ha të tjetërsuar në truall, në total 34 ha.
Kaq mjaftoi, që trashëgimtarët pronarë legjitimë, borshiotët Bafte Shtylla (Hajdini), Kastriot e Kozeta Hajdini, të futeshin në një lojë gjyqesh deri në Gjykatën e Lartë, me vendime përsëritëse nga Saranda, në Apelin Gjirokastër e Tiranë.
Çështja arriti deri me ekspertim në Arkivën e Shtetit, ku u konstatua se në dokumentin e paraqitur nga Komuniteti Mysliman si “tapi origjinale e vitit 1927”, kishte ndryshim shkrimi; ku bëhej fjalë për 7000 “Strem” kullotë në Borsh, baraz me 1120 ha sot.
Për këtë “mëkat” të bërë nga Komuniteti Mysliman, u ngritën 3 grupe ekspertësh, për të përcaktuar pretendimet e palëve në mbivendosje; dhe pas verifikimit në Regjistrin Kadastral Nr.214-Sarandë; doli se vetëm trashëgim-lënësi Njazi Dedi, figuron në librin e pronarëve të prekur nga reforma.
Këtë akt verifikim-ekspertimi e konfirmoi dhe Gjykata e Apelit-Gjirokastër, duke njohur si trashëgimtar të pronës, vetëm Bafte Shtylla (Hajdini), Kastriot e Kozeta Hajdini.
Ndërsa Komuniteti Mysliman dhe trashëgimlënësi i të paditurit tjetër, nuk rezultonin të ishin në këto regjistra kadastralë; paçka se pronat e pretenduara prej tyre, i kanë vërtetuar me vendim gjyqësor të plepistit Alltun Çela e gjyqtares pazarxheshë, Irena Spiro Papa (Brahimi).
Por vendimi gjyqësor i Apelit të Gjirokastrës, u shpërfill nga Kadastra Vlorë; ku “zinxhiri” i pazareve, u rikthye dhe u vazhdua nga “ujku” Petraq Puleri, Drejtori i Komisionit të Kthim-Kompensimit të Pronave të Qarkut Vlorë.
Me Vendim nr. 187, datë 9.5.2008, drejtori Puleri i ktheu 47 ha Komunitetit Mysliman, kur s’duhej t’ia kthente asnjë metër, sepse kishte mbivendosje.
Më 12.7.2008, pronarja legjitime, Kozeta Hajdini, iu drejtua Këshillit të Lartë të Drejtësisë, duke kërkuar zbatimin e Vendimit nr. 214 të Apelit Gjirokastër; dhe pas kësaj ankese, Petraq Puleri riktheu disa pasuri sipas kufizimeve në hartën 47 ha.
Më 4 prill 2009, u grabit Kadastra-Sarandë e rifilluan gjyqet, këtë herë me gjyqtar Ervin Trashin, i cili u dha të drejtë pronarëve Bafte Shtylla (Hajdini) Kastriot e Kozeta Hajdini, duke rrëzuar pretendimet e Komunitetit Mysliman.
Por gjyqtar Skënder Damini i Apelit-Vlorë, me Vendim nr. 275, datë 07.10.2020, u ka hequr të drejtën e pronësisë, duke cënuar rëndë ligjin për paprekshmërinë e faktit juridik.
Tashmë, dosja është çuar si kallëzim penal në SPAK, i cili e ka përcjellë në Prokurorinë e Vlorës, prej nga pritet të rifillojë hetimi i thelluar, duke uruar të mos funksionojë “tepsia” e pazareve. Kaq për sot./Pamfleti
