Perëndimi publikon 4 raporte alarmante për qeverinë shqiptare brenda dy ditësh, mesazh të fortë shqiptarëve për të shporrur sa më parë klasën mafioze politike që po tenton të riciklohet në pushtet, konstatime tronditëse për pastrimin e parave, korrupsionin e pushtetarëve, lirinë ekonomike, lirinë e medias dhe integrimin
Katër ‘bomba’ në dy ditë. Shtetet e Bashkuara të Amerikës dhe Bashkimi Evropian kanë publikuar katër raporte përvëluese për Edi Ramën dhe qeverinë e tij, pikërisht 50 ditë para zgjedhjeve parlamentare, duke u dhënë një mesazh të qartë shqiptarëve se qeveria e tyre është më e korruptuara dhe e inkriminuara në planet. Dy ditë më parë Departamenti Amerikan i Shtetit publikoi një raport tronditës, në të cilin thuhet ajo që ne kemi denoncuar prej dy vitesh.
Qeveria e Rilindjes me në krye Bablokun e ka kthyer Shqipëri në një lavatriçe të pastrimit të parave të pista në ndërtim, me tendera dhe koncesione. Në raport thuhet se korrupsioni në nivele të larta, duke iu referuar ministrave, drejtorëve dhe kryebashkiakëve, po kontribuon në pastrimin e parave të pista. Tani koka e pastrimit të parave është vetë qeveria.
Në raport thuhet se “Qeveria e Shqipërisë nuk bëri asnjë përparim të dukshëm për të penguar pastrimin e parave dhe krimet financiare në vitin 2020. Shqipëria mbetet e ndjeshme ndaj pastrimit të parave për shkak të korrupsionit, rrjeteve të krimit të organizuar dhe institucioneve të dobëta ligjore dhe qeveritare. Grupet shqiptare të krimit të organizuar vazhdojnë të pastrojnë të ardhurat në Shqipëri dhe të kontribuojnë në korrupsionin në vend”.
Ky konstatim i qeverisë amerikane hedh poshtë malin e propagandës së Rilindjes për gjoja luftë kundër korrupsionit. Kapot e drogës dhe korrupsionit pastrojnë para bashkë me ministra, deputetë, drejtorë dhe kryebashkiakë.
Raporti është një mesazh i fortë për shqiptarët, të cilët duhet të zgjohen, për të shporrur këtë klasë mafioze politike dhe të ndalojë lojën e tyre të riciklimit në pushtet. Ditën që doli raporti i DASH, u publikua edhe raporti i organizatës Freedom House për lirinë në botë. Sipas raportit, Shqipëria nën qeverisjen e Bablokut vijon të shënojë rënie sa i takon lirisë. Gjatë vitit 2020, ka shënuar rënie me një pikë, për shkak të arrogancës së qeverisë, korrupsionit, nismave klientliste dhe të paligjshme.
Një ditë më pas, në 4 mars, Edi Rama dhe qeveria e tij, mori një tjetër goditje, tashmë nga Brukseli. Komisioni për politikë të jashtme të Parlamentit Evropian publikoi një raport për integrimit, duke dhënë alarmin për nivelin e korrupsionit në Shqipëri, vjedhjen dhe blerjen e votave me paratë e korrupsionit siç ndodhi në Dibër dhe sidomos revanshin e qeverisë kundër mediave me nisma antidemokratike, me qëllim për të mbyllur mediat që nuk pranojnë të blihen me paratë që pushtetarët u vjedhin shqiptarëve.
Në raportin për ecurinë e integrimit, kishte një mesazh të qartë për shqiptarët, ku Brukseli paralajmëronte ‘ngritjen’ e procesit të integrimit nëse vidheshin zgjedhjet e 25 prillit.
Raporti ishte aq i fortë saqë Ilir Meta doli në një konferencë për shtyp, disa ditë pasi i ka konsideruar si mafie ndërkombëtare SHBA-BE. Ilir Meta dhe Sali Berisha po përpiqen të përfitojnë nga një situatë, për t’u rikthyer në pushtet, për të vijuar plaçkitjen e pasurive dhe parave publike.
Sot Edi Rama ka marrë një tjetër goditje. Fondacioni Heritage publikoi raportin mbi Indeksin për Liritë Ekonomike në botë. Sipas raportit, Shqipëria ka pësuar rënie të lirisë ekonomike.
“Rezultati i saj i përgjithshëm është ulur me 1.7 pikë, kryesisht për shkak të rënies së të drejtave të pronës dhe efektivitetit gjyqësor. Shqipëria radhitet në vendin e 35-të midis 45 vendeve në rajonin e Evropës dhe rezultati i saj i përgjithshëm është nën mesataren e rajonit, por mbi mesataren botërore”, thuhet në raport, i cili ishte edhe goditja e katërt e SHBA-BE në dy ditë ndaj qeverisë Rama./Pamfleti
