Skandal, zbulohet letrat e drejtorit të TIA-s Constantin von Alvensleben ku i ofron pazar gruas së Gjin Gjonit për kontrollin e dyqaneve në Rinas në një kohë kur kishte lidhur kontratë me kompaninë amerikane ICDF, vihet në lëvizje Ambasada Amerikane, Elton Haxhi sekseri mes Gjin Gjonit dhe TIA-s, të gjithë në listën e zezë, bashkë gjyqtarët KÇK Avni Sejdi dhe Mimoza Brahimi
Drejtori i Përgjithshëm Ekzekutiv (CEO) i Aeroportit Ndërkombëtar të Tiranës, Constantin von Alvensleben është zbuluar duke bërë pazare me kokën e korrupsionit të drejtësisë shqiptare, Gjin Gjonin, kundër amerikanëve, për t’i lënë gruas së Gjinit, Elona Çaushit, dyqanet pa taksa në Aeroport. Gjermani Constantin von Alvensleben, me rrogë mujore 14 mijë euro, i ka ofruar pazar gruas së Gjin Gjonit për të vijuar kontrollin e ambienteve Duty Free, në një kohë kur, TIA, po për këto ambiente, i kishte lidhur kontratë me kompaninë amerikane International Cruise Duty Free (ICDF).
Constantin von Alvensleben u emërua në krye të TIA-s në gusht të 2019, në kulmin e përplasjeve mes çiftit Gjin Gjoni-Elona Çaushi dhe amerikanëve për dyqanet në Rinas. Ai shumë shpejt u ‘familjarizua’ me dallaveret shqiptare, ndërsa nisi flirtimin me Gjin Gjonin, i cili për të shtyrë përballjen me Vetingun, mori një leje dyvjeçare prindërore dhe ia mbathi nga drejtësia, për t’iu përkushtuar mbrojtjes së biznesit të gruas në Rinas, me ndihmën e Elton Haxhit.
Në një kohë kur kompania amerikane vijonte betejën në gjykata për të zbatuar kontratën e lidhur me TIA-n që në korrik 2019 për menaxhimin e dyqaneve në Rinas, Constantin von Alvensleben, në 3 tetor 2019, i dërgon një letër kompanisë së gruas së Gjin Gjonit, ADFD, ku i shpreh dëshirën për të bërë pazare me të, për të mbajtur dyqanet.
Ndër të tjera, Constantin von Alvensleben në letër shkruan: “Duke mos qenë të qartë për situatën e krijuar, ne filluam negociatat me ADFD. Ne besojmë se kemi demostruar dëshirën tonë të mirë për të negociuar me ju një kontratë deri sa pretendimet e ngritura nga ADFD në rrugë gjyqësore dhe apelimet relevante të ishin të formës së prerë”. Këtë letër drejtori i TIA-s ia dërgon Elona Çaushit tre ditë pasi Ministria e Financave vendosi t’i anulojë Elona Çaushit autorizinin që i dhe Elton Haxhi për të vijuar aktivitetin tregtar në Rinas, pasi kishte humbur tenderin e organizuar nga TIA për Duty Free si dhe i kishte mbaruar kontrata që në 27 gusht 2019.
Letra ka rënë shumë shpejt në duart e Ambasadës Amerikane në Tiranë, e cila është angazhuar publikisht me deklarata dhe prezencë në seancat gjyqësore, për të mbrojtur të drejtat e kompanisë amerikane ICDF, të cilës Gjin Gjoni i ka rrëmbyer dyqanet.
Sipas burimeve, Ambasada Amerikane, pas zbulimit të pazarit prapa krahëve, e ka futur Constantin von Alvensleben në listën e grupit të Gjin Gjonit, i cili me ushtarin e tij Elton Haxhi dhe disa gjyqtarë KÇK në drejtësi, ka sfiduar amerikanët, shtetin ligjor dhe klimën e investimve në Shqipëri.
Sipas burimeve, Elton Haxhi është ndërmjetësuesi mes Constantin von Alvensleben dhe Gjin Gjonit. Elton Haxhi dhe Constantin von Alvensleben kalojnë shumë kohë bashkë, pasi janë edhe komshinj. Nga ana tjetër, Gjin Gjoni e ka rekrutuar Elton Haxhin prej kohësh në shërbim të intetesave të tij. SPAK duhet të hetojë se kush e ka shëtitur me avion Elton Haxhin kur ishte zëvëndësministër.
Kur ishte zëvëndësministër i Financave, Elton Haxhi, në kundërshtim flagrant me ligjin dhe procedurat, i firmosi gruas së Gjin Gjonit rinovimin e autorizimin për vijimin e aktivitetit tregtar në Rinas. Pas denoncimit të skandalit në media dhe reagimit të fortë të Ambasadës Amerikane, ministrja Anila Denaj e anulloi vendimin e Elton Haxhit si të paligjshëm. Por, kaq ndihmë i duhej Gjin Gjonit, pasi gjeti gjyqtarin Avni Sejdi, i cili e la në fuqi vendimin e Elton Haxhit, edhe pse në kundërshtim flagrant me ligjet.
Në shkurt të këtij viti, ambasadorja amerikane Yuri Kim zhvilloi një takim me Edi Ramën për këtë çështje. Menjëherë pas takimit, Rama urdhëroi shkarkimin e Elton Haxhit, ndërsa shpëtoi Anila Denaj.
Sipas burimeve, Ambasada Amerikane ka denoncuar përmes një letre veprimet e Elton Haxhit, por edhe implikimin e Anila Denaj, në favor të Gjin Gjonit. Ky i ka gjetur edhe një gjytare tjetër KÇK dhe pa Veting, Mimoza Kajo Brahimin, e cila ka marrë një vendim paraprak skandaloz në favor të Elona Çaushit për të mbajtur me forcë dyqanet në Rinas.
Skandali është i shumfishtë, i paprecedentë dhe me implikime të rënda të zyrtarëve të qeverisë, gjyqtarëve dhe Constantin von Alvensleben, ndërsa ende mumgon ndërhyrja e SPAK./Pamfleti
