“Ime bijë, Alessia Ylenia, me pushime në Ibiza, mbrëmë iu mohua hyrja në lokalin ‘Hard Rock’ sepse është napoletane”.
Me këto fjalë, Salvatore Ferraro denoncoi në FB diskriminimin që pësoi e bija, student 21 vjeçare në Somma Vesuviana, e cila ishte me pushime bashkë me 4 miq të tjerë.
Rojet, pasi kontrolluan dokumentet e të rinjve, u kanë thënë se nuk mund të hynin, pasi diskoteka ishte vetëm për vendasit.
Duke qëndruar jashtë lokalit, miqtë vunë re se një grupi italianësh u lejohej hyrja në festë dhe vendosën kështu të riktheheshin tek dera e diskotekës, siç rrëfen Alessia për ‘Il Mattino’.
Në atë pikë, rojet shpjeguan se nuk donin napoletanë në lokal.
“Ime bijë dhe miqtë e saj u lënduan shumë, vazhdon postimi i burrit, mes shakave ofenduese të djemve milanezë që ndodheshin aty dhe talleshin me skenën. Një sjellje e tillë është e papranueshme dhe raciste dhe është veçanërisht stigmatizuese kur ndodh në një vend të njohur botërisht”.