Nga cikli: Dosja e zezë e maskaradës politike 30 vjeçare
Pas shitjes së detit Greqisë, zvogëlimi i numrit të shqiptarëve ishte tradhtia e dytë e madhe e Berishës, Bashës dhe Genc Pollos; Athina ndaloi akuzat për censusin kur u publikua numri i ulët i popullsisë
Dy vjet pasi Sali Berisha dhe Ilir Meta i shitën detin Greqisë, duke e mbrojtur më pas në Gjykatën Kushtetuese marrëveshjen me Ilir Metën, në dhjetor të 2011, u shënua një skandal edhe më i rëndë kombëtar. Sali Berisha dhe Genc Pollo ulën numrin e përgjithshëm të popullsisë në Shqipëri, me censusin e famshëm, duke u bërë një tjetër shërbim Athinës dhe Beogradit.
Pas fabrikimit të shifrave sipas porosisë së grekëve dhe serbëve, Instituti i Statistikave shpall rezultatet paraprake të censusit.
Sipas rezultateve paraprake të deklaruara nga INSTAT, numri i popullsisë në Shqipëri ishte 2,831,741 banorë, nga 3,069,275 që ishte 10 vite më parë.
Pas ISNTAT me në krye Ines Nurja, fshihej Genc Pollo, ministër i Inovacionit, të cilit Berisha i kishte besuar këtë projekt.
Në një deklaratë publike thuhej se “Bazuar në këto të dhëna paraprake të Censusit rezulton se popullsia që banon në territorin e Shqipërisë është 2,831,741 banorë. Krahasuar me vitin 2001, vihet re se numri i popullsisë në vitin 2011 është zvogëluar me 7.7% gjatë këtyre dhjetë vjetëve. Supozohet që shkaqet kryesore të zvogëlimit të popullsisë janë emigrimi në shkallë të gjerë dhe rënia e lindshmërisë. Popullsia rezidente është e përbërë nga 1,421,810 meshkuj (50.2%) dhe 1,409,931 femra (49.8%), fenomen ky mjaft interesant për t’u studiuar në vijim nga të gjithë demografët e kërkuesit shkencorë. Vlerësimi paraprak i numrit të personave që kanë refuzuar në këtë census është 29,355 ose 1.04 % e totalit të popullsisë”, thuhet në deklaratën e INSTAT.
Por, nga ana tjetër, Komisioni Qendror i Zgjedhjeve, duke i vërtetuar me emër dhe mbiemër, theksonte se numri i votuesve shqiptarë është 3 milionë e 164 mijë e 859 zgjedhës. Këtu nuk llogaritet numri i shqiptarëve nga 0-18 vjeç, pra që nuk votojnë, por që zënë rreth 40 për qind të popullsisë në tërësi. Në total numri i shqiptarëve ishte rreth 4.5 milionë.
Çuditërisht rezultatet e censusit të Pollos dolën pas akuzave të Athinës zyrtare, e cila pretendonte se procesi i regjistrimit ishte i manipuluar. Pas publikimit të kësaj shifre, Greqia u qetësua.
Në atë kohë, Edi Rama në opizitë tha se “Të dhënat e censusit treguan se sa shumë shqiptarë kanë lënë vendin. Shifrat e reja të popullsisë kërkojnë lexim të drejtë edhe të demografisë, dhe rënia e numrit të shqiptarëve që jetojnë në atdhe kërkon punë të thelluar. E ne detajohemi në këtë pikë në programin e ri të punësimit. Grupi i punësimit do garantojë komunikimin me të gjithë të papunët dhe për ti nxjerrë nga rruga e papunësisë na duhet ndihma e tyre natyrisht edhe mbështetja e tyre, pasi aktualisht shpenzimet e bëra nga qeveria janë më të mëdha se shërbimet e ofruara”.
Ndërsa Kreshnik Spahiu, në atë kohë në krye të Aleancës Kuq e Zi, u shpreh se “Aleanca Kuq e Zi shprehu indinjatën dhe shqetësimin e thellë për shifrat e publikuara nga INSTAT, sipas të cilave populli shqiptar me vështirësi arrin në 3 milionë banorë. Per Aleancen Kuq e Zi këto shifra nuk janë asgjë më shume se sa mashtrime publike dhe keqinformim i opinionit publik që vjen si rrjedhoje e plotësimit të dëshirës së Athinës dhe Beogradit.
Aleanca Kuq e Zi deklaron se shqiptaret kanë popullsinë më të madhe në rajon që arrin në 10 milionë. Kombi shqiptar nuk është 3 milionë dhe kjo nuk do shumë mend. Qëllimet e Athinës dhe Beogradit për të ulur në maksimum numrin e popullsisë së kombit shqiptarë u plotësuan me sukses nga qeveria e cila shpenzoi 14 milionë euro për kapricot e Athinës dhe Beogradit”./Pamfleti
