Nënkryetari i LSI-së Luan Rama, përmes një video të shpërndarë në llogarinë e tij në ‘FaceBook’, ka deklaruar se Bashkia e Vlorës ka bërë sot më 29 nëntor një skandal.
Luan Rama tha se pikërisht në këtë ditë të shenjtë për Vlorën dhe mbarë Shqiptarinë, Bashkia e Vlorës ka hequr flamurin kombëtar nga varrezat e dëshmorëve dhe nga monumenti i Pavarësisë.
Postimi i nënkryetarit të LSI-së Luan Rama:
HIQET FLAMURI KOMBËTAR NGA VARREZAT E DËSHMORËVE DHE MONUMENTI I PAVARËSISË!
Sot kur e gjithë vetëdija jonë kombëtare nderon dëshmorët e kombit në ditën e çlirimit të atdheut, bashkia e Vlorës në ora 10:30 ka hequr flamurin kombëtar nga varrezat e dëshmorëve dhe nuk ka vënë asnjë flamur të vetëm pranë monumentit të pavarësisë!
Hipokrizia e hajdutëve të bashkisë së Vlorës fyen dhe nëpërkëmb ditën e shenjtë të çlirimit të atdheut!
https://www.facebook.com/100016753425961/videos/pcb.808515246383582/808514546383652/
