Rama dhe Ruçi u kërkojnë deputetëve të votojnë qorrazi marrëveshjen për vaksinat anti-covid-19. Nuk lejohet të kopjohet as të lexohet. Çfarë afere kërkon të fshehë Babloku?
Marrëzia e Edi Ramës në javët e fundit të mandatit të dytë qeverisës nuk njeh kufinj dhe limite. Edi Rama ka dërguar ditët e fundit në Kuvend një marrëveshje për sigurimin pjesërisht të vaksinave anti-covid-19, me vulën top sekret në krye.
Marrëveshja është vetëm në disa kopje dhe lejohet ta lexojnë vetëm rrethi i të besuarve të Bablokut. Pas konsultimeve me Ramën, kreu i Kuvendit u ka kërkuar komisioneve parlamentare që ta shqyrtojnë dhe ta miratojnë me shpejtësi marrëveshjen, duke ruajtur sekretin, thua se është dokument për armë bërthamore. Sipas burimeve të sigurta, Ruçi ka porositur krerët e komisioneve të posaçme parlamentare që të mos bëjnë asnjë kopje të marrëveshjes dhe deputetëve të mos u jepet asnjë kopje e tillë.
Skandali arrin deri aty saqë deputetëve u është kërkuar që të votojnë qorrazi marrëveshjen, pa e lexuar atë. Sipas burimeve shumë të sigurta, marrëveshja do t’u shfaqet deputetëve vetëm në monitor dhe vetëm pjesërisht, për të siguruar ruajtjen e sekretit. Gjatë shqyrtimit disa deputetë pritet ta kundërshtojnë këtë praktikë poshtëruese, kur Parlamenti përdoret vetëm si vulë nga Baloku, por shumica e tyre do të votojnë sipas porosisë.
Të gjitha qeveritë në Evropë i kanë transparente marrëveshjet dhe negociatat për sigurimin e vaksinës, sepse nuk ka të bëjë me ushtrinë, armatimin etj.
I vetmi kryeministër në Evropë që mban sekret marrëveshjen dhe e paraqet sigurimin e vaksinës si një meritë personale, është Babloku ynë.
Mbetet për t’u parë se çfarë afere fsheh Babloku pas këmbënguljes së tij për të ruajtur sekretin e vaksinës anti-covid-19. Ka dyshime të forta se Babloku mund ta mbajë sekret edhe për arsye propagadistike, që të gënjejë sa të mundet shqiptarët para zgjedhjeve për heroizmat e tij globale.
Në fakt, e vërteta e shëndetësisë nën qeverisjen e Edi Ramës është Tirja e ‘Shefqet Ndroqit’, që zhvaste famijarët e pacientëve dhe u hiqte bukën të sëmurëve me Covid-19./Pamfleti
