Kur na ndajnë vetëm 3 muaj nga zgjedhjet e 25 Prillit, partitë politike kanë filluar të bëjnë përllogaritjet se kush do të marrë drejtimin e vendit për 4 vitet e ardhshme.
I entuziasmuar për rezultatin e një sondazhi të realizuar nga Syri TV, ku sipas të cilit 52% e shqiptarëve e duan kryedemokratin për kryeministër të Shqipërisë, kreu i PD Lulzim Basha, ka shpërndarë në profilin e tij rezultatet.
Përbri saj, i bindur për fitore, Basha shkruan:
“Faleminderit për mbështetjen. Ndryshimi po vjen. Në 25 prill do fitojë Shqipëria”,
Mbrëmjen e djeshme në emisionin “Çim Peka Live” janë prezantuar rezultatet e sondazhit të kryer nga kompania “Flame Tree Advisors”. Sondazhi ishte i përbërë nga 12 pyetje dhe i janë përgjigjur 4 mijë qytetarë, të cilët kanë dhënë opinionin e tyre se si e perceptojnë situatën politike në vend.
Në njërën nga pyetjet qytetarët janë përgjigjur se cilin shikojnë si kryeministrin e ardhshëm të Shqipërisë, ku 52% e tyre janë përgjigjur për Lulzim Bashën, 38% për Edi Ramën dhe 10% për alternativën “nuk e di”.
