Arrestohet nga Policia e Tiranës ish-drejtori i prokurimeve në OSHEE, Erlis Bushati dhe dy ish-zyrtarë të tjerë, ndërkohë që është shpallur në kërkim një tjetër zyrtare e këtij institucioni.
Mësohet se zyrtarja që është shpallur në kërkim është ish-shefja e kabinetit të drejtorit të OSHEE, Alma Ferra.
Arrestimet janë bërë pak minuta më parë nga Policia e Tiranës me urdhër të SPAK, pas një hetimi që ka zgjatur për disa muaj. Sipas burimeve, Erlis Bushati dhe Alma Ferra akuzohen për korrupsion, por ende nuk është specifikuar rasti ku ata kanë qenë të përfshirë.
Mësohet se deri tani janë arrestuar edhe dy ish-zyrtarë të tjerë identiteti i të cilëve nuk dihet ende. Ata të dyshuar për shkelje të barazisë në tendera.
Objekt i hetimeve paraprake të këtij proçedimi penal janë veprimet dhe mosveprimet e kryera lidhur me proçedurën e prokurimit “Shërbim-Konsulencë”, për lidhjen e kontratës me objekt “Asistencë teknike për ndarjen e aktivitetit të shpërndarjes së energjisë elektrike nga furnizimi i energjisë elektrike së bashku me përmirësimin e cilësisë së shërbimit të klientit të OSHEE sh.a”, me fond limit 138500000 lekë. Kjo proçedurë prokurimi është zhvilluar në vitin 2016 nga shoqëria aksionere
Nga veprimet hetimore të kryera janë krijuar dyshime të arsyeshme të bazuara në prova se shtetasit Elis Bushati, Athinta Papa dhe Irma Dërguti, anëtarë të Komisionit të Vlerësimit të Ofertave, që kanë marrë pjesë në këtë proçedurë prokurimi dhe që kanë shqyrtuar dhe vlerësuar ofertat e paraqitura nga operatorët ekonomikë pjesëmarrës, kanë kryer veprime në kundërshtim me ligjin nr.9643, datë 20.11.2006 “Për prokurimin publik”, të ndryshuar dhe me V.K.M Nr.914, datë 29.12.2014 “Për miratimin e rregullave të prokurimit publik”, të ndryshuar, duke favorizuar në mënyrë të padrejtë shoqërinë tregtare “COM METODI” S.P.A, me seli në Milano, Itali.
Njëkohësisht, nga veprimet hetimore të kryera janë krijuar dyshime të arsyeshme të bazuara në prova se shtetasja Albana Ferraj, e cila gjatë kohës së zhvillimit të kësaj procedure prokurimi dhe zbatimit të kontratës për të cilën është kryer prokurimi ka kryer funksionin e Drejtorit të Divizionit Tregtar dhe Drejtorit të Kabinetit në shoqërinë tregtare OSHEE sh.a, ka marrë përfitime të parregullta, në shumën prej 131.880 euro, me qëllim për të favorizuar shoqërinë tregtare “COM METODI” S.P.A në proçedurën e prokurimit të zhvilluar në vitin 2016.
