Sport13 Prill 2024, 17:36

Kontestim dhe fyerje pas fitores, lojtarëve u hedhin mbrapsht fanellat, Tirana përballet me furinë e tifozëve bardheblu! (Video)

Shkruar nga Pamfleti
Kontestim dhe fyerje pas fitores, lojtarëve u hedhin mbrapsht fanellat,

Fundi i ndeshjes mes Tiranës dhe Kukësit, e mbyllur me suksesin 1-0 të bardhebluve, në fakt ka qenë shumë i tensionuar për ekipin fitues. Lojtarët shkuan të merrnin duartrokitjet e tifozerisë së tyre, por janë përballur me një lumë sharjesh e kritikash.

Përgjoni deshi t’u dhuronte fanelën mbështetësve të skuadrës por këta të fundit ia kthyen mbrapsht. Të njëjtin fat pësoi edhe Abazaj, i cili shkoi të qetësonte gjithashtu mbështetësit. Më pas nga tribunat nisën një lumë sharjesh e kritikash në adresë të ekipit që sipas tifozëve, nuk ishin në lartësinë e duhur në këtë ndeshje, apo edhe në ato të mëparshmet.

Kjo situatë vazhdoi për disa minuta, me bardheblutë e rreshtuar para tifozëve, derisa u kthyen mbrapsht në dhomat e zhveshjeve, teksa edhe mbështetësit e u shpërndanë shumë të pakënaqur pas një fitoreje që në fakt ringjall shanset e ekipit për “Final Four”.

tifozët bardheblu tirana