Pallati mbretëror do të nisë një hetim mbi ‘bullizimin ndaj stafit’ nga ana e dukeshësh së Sussex, Megan Markle, sipas një burimi zyrtar.
Në një deklaratë të rrallë Buckingham Palace ka shprehur shqetësimin mbi akuzat e bëra nga ‘Times’ i cili pretendon se dy anëtarë të stafit janë pushuar nga puna dhe një tjetër ka qenë gati në largim pas sjelljes fyese nga ana e Dukeshës.
Sipas ‘The Guardian’, hetimi vjen pak para transmetimit të intervistës që Markle dhe Princ Harry kanë dhënë me moderatoren e njohur Oprah Winfrey.
‘Ne jemi dukshëm të shqetësuar pas raportimeve të Times të cilat vijnë njëkohësisht me ankesat e ngritura nga ish-anëtarët e stafit të Dukës dhe Dukeshës së Sussex. ‘- thuhej në deklaratë.
Avokatët e çiftit pohuan se këto akuza nuk janë reale dhe vijnë pikërisht në momentin që do të shfaqet intervista e tyre eksklusive.
