Aktualitet23 Prill 2018, 15:22

Standardi i dyfishtë i Krichbaum: Serbia në BE edhe pa reformën në drejtësi, Shqipëri në asnjë mënyrë!

Shkruar nga Pamfleti
Standardi i dyfishtë i Krichbaum: Serbia në BE edhe pa reformën

Standardi i dyfishtë i Krichbaum: Serbia në BE edhe pa reformën në drejtësi, Shqipëri në asnjë mënyrë!

Ditën e sotme, Krichbaum iu rikthye deklaratave mbi Shqipërinë, duke thënë se “vendimi i Komisionit për rekomandimin e Shqipërisë është i papjekur”.

Gunter Krichbaum, deputeti gjerman i njohur për marrëdhëniet e tij të ngushta me liderin e PD, Lulzim Basha, del kundër vendimit të Komisionit Europian, që javën e kaluar rekomandoi pa kushte hapjen e negociatave të anëtarësimit për Shqipërinë.

Ditën e sotme, Krichbaum iu rikthye deklaratave mbi Shqipërinë, duke thënë se “vendimi i Komisionit për rekomandimin e Shqipërisë është i papjekur”.

Në ditën e këtij vendimi historik për fatet e vendit tonë, ai u shpreh se “Shqipëria duhet të plotësojë kushte shtesë”, ndonëse në rekomandimin e Komisionit nuk flitet asgjë për diçka të tillë.

Madje, qëndrimet e Krichbaum sfidojnë edhe pozitat e deklaruara të Kancelares Merkel, e cila në më shumë se një rast ka theksuar se sa i përket Shqipërisë, “vetingu ishte kushti i vetëm i mbetur për hapjen e negociatave”, shkruan Lexo.al. Nga ana tjetër, përsa i përket kandidaturës së Serbisë, e cila ende nuk ka nisur të realizojë reformën në drejtësi dhe procesin e vetingut, Krichbaum është një përkrahës i deklaruar.

Serbia nisi të negociojë për anëtarësimin në vitin 2014, por nga 35 kapituj të “acquis communitaire”, në 21 prej tyre vendi është tërësisht jokompatibël me standartet e kërkuara të integrimit.

Midis kapitujve jokompatibël është edhe reforma në drejtësi, sundimi i ligjit, statusi i Kosovës, por edhe çështje teknike si standartet mjedisore, ligjet e biznesit, etj.

Megjithatë, Krichbaum thotë se “Serbia është një partner i besueshëm i BE-së” dhe se “vendi duhet të pranohet në BE sa më shpejt”.

Qëndrimet e tij bënë bujë kur në gjysmën e parë të vitit 2016, ai nisi një fushatë presioni mbi Kroacinë, e cila kishte kërcënuar me bllokimin e bisedimeve me Serbinë, për shkak të disa problemeve të pazgjidhura që datojnë që nga koha e luftës për pavarësinë nga Jugosllavia, në vitet 1992-95.

Atëherë, Krichbaum publikisht deklaroi në Beograd se ishte kundër qendrimit të Zagrebit zyrtar, duke nënkuptuar qartësisht se Kroacia ishte një vend tepër i vogël për t’u përzjerë në çështje të tilla kaq të rëndësishme, pavarësisht se Kroacia që prej 2013-s është një anëtar me të drejta të plota i Unionit.

Një kundërshtar i deklaruar i integrimit të vendit tonë në BE, Krichbaum është i njohur në opinionin shqiptar si një prej miqve më të afërt të Bashës në Europë.

Një figurë me peshë në CDU, Krichbaum mbajti një fjalim të ashpër kundër qeverisë në periudhën e çadrës, ndërsa në të gjithë vizitat e tij në Tiranë është takuar për periudha të gjata me Bashën, pa kursyer në daljet publike kritikat ndaj qeverisë.

Pavarësisht opinionit pozitiv të Komisionit, Krichbaum duket i vendosur që të shfrytëzojë lidhjet e tij dhe influencën në rritje të partive të ekstremit të djathtë në vendet anëtare, për të siguruar një veto negative ndaj negociatave.

Vendimi përfundimtar për hapjen e bisedimeve me Shqipërinë pritet të merret në qershor, kur të votohet në mbledhjen e kryetarëve të shteteve. Sipas formatit me të cilin funksionin Bashkimi Europian, mjafton që një nga 28 vendet anëtare të Unionit të shprehet kundër, që fillimi i negociatave të shtyhet me të paktën një vit.

Aktualitet Shqipëri në asnjë mënyrë! Standardi i dyfishtë i Krichbaum: Serbia në BE edhe pa reformën në drejtësi