Studentët janë grumbulluar mesditën e sotme përpara ministrisë së Arsimit, duke kërkuar plotësimin e kërkesave të tyre. Të rinjtë e kanë nisur protestën duke ndezur tymuese jashtë ministrisë si dhe kanë thyer edhe xhamin e një prej dritareve të institucionit.
Ata kanë parashtruar 14 kërkesa, por thonë se sot në ministri do të dorëzojnë 5 prej tyre.
“Kjo është një protestë simbolike, por edhe një mesazh që duhet ta marrë ministria e Arsimit që të plotësojë kërkesat, sepse nesër do të jemi shumë më shumë dhe nuk mund të rrimë si në dhjetor“, tha një prej studentëve.