Categories: Blog

Sulmet ndaj gjyqësorit, BE shkel frenat, i nxjerr kartonin e kuq qeverisë rumune

Ta cilësosh kursin antieuropian të qeverisë në Bukuresht, si „aksident të demokracisë“ është e drejtë. Por vendi i aksidentit duhet të ishte pastruar me kohë, mendon Robert Schwartz.

Presidenti rumun, Klaus Iohannis ka të drejtë: Ashtu si vepron qeveria social-liberale aktuale në Rumani e si e paraqet veten jashtë vendit, mund e duhet të ekzistojë cilësimi një „aksident i demokracisë”. Iohannis e bëri këtë vlerësim menjëherë pas raportit të progresit të BE-së për Rumaninë, i cili ishte një shuplakë për qeverinë. Më në fund – në një solidaritet të pazakontë si Komisioni Europian ashtu edhe Parlamenti Europian i kanë treguar kartonin e kuq qeverisë rumune për sulmet e vazhdueshme ndaj pavarësisë së sistemit gjyqësor – e gjitha kjo përtej kufijve partiakë dhe solidaritetit të shumëpërfolur e të pakuptueshëm brenda familjes së partisë.

Për socialdemokratët rumunë, (PSD) dhe partnerin pseudoliberal, ALDE një goditje e fortë. Ndërsa Klaus Iohannis, një liberal-konservator ka një mundësi për të kuptuar, se ai e ka mbështetjen e plotë për të mënjanuar këtë aksident. Presidenti besnik ndaj kushtetutës ka tani edhe provën e fundit, që ishte një gabim i rëndë vendosja e ushtares së bindur të partisë, Viorica Dancila në postin e kryeministres së vendit, kjo me dëshirën e kreut të dënuar të PSD-së, Liviu Dragnea.

Mëkëmbës i pushtetmbajtësit të dënuar

Sa për kujtesë: Që para fitores së socialdemokratëve në zgjedhjet e vitit 2016 ishte e qartë që Dragnea, për shkak të dënimit me kusht për manipulimet zgjedhore nuk mund të bëhej kryetar i qeverisë rumune. Prandaj ai duhet të gjente urgjentisht mëkëmbës besnikë – propozimi i parë, një mikeshë e ngushtë e partisë- u refuzua nga presidenti për shkak të arsyeve të sigurisë kombëtare. Me një ritëm gjashtëmujor u zëvendësuan dy kryeministra, të pranuar nga Iohannis, por që shpejt nuk gëzuan më mbështetjen e padronit, Dragnea. Të dy nuk donin më ta mbështesnin porosinë e shefit për ristrukturimin e drejtësisë, fundin e luftës kundër korrupsionit dhe gërryrjen nga brenda të shtetit ligjor.

Viorica Dancila ishte zgjedhja e katërt e Dragneas. Ajo u kthye në një kryeministre shembullore për të bërë realitet projektet e kryemjeshtrit. Me zell ajo i përmbushte të gjitha detyrat e tij, për të nxjerrë nga banka e drejtësisë kolegë të dyshuar për korrupsion nga koalicioni qeverisës. Tani pak para arritjes së qëllimit final, BE shkeli frenat.

Por sistemi Dragnea kundërgodet. Duke përdorur madje retorikën e vjetër komuniste e nacional-populiste të epokës së Çausheskut – se kemi të bëjmë me një perëndim që është armiqësor ndaj Rumanisë e përzihet në punët e brendshme të vendit dhe sistematikisht prish imazhin e Rumanisë, me porosi të bërthamës së BE dhe qarqeve ndërkombëtare, përfshirë edhe George Sorosin. Kush kritikon Dragnean dhe pasuesit e tij sulmon vendin. Sepse sigurisht shteti janë politikanët e korruptuar apo të dyshuar për korrupsion.

Në kursin e largimit nga Europa

Qeveria që ende ka një mazhorancë të rehatshme në parlament po shkatërron përmes retorikës nacional-populiste dhe armiqësore ndaj Europës, sulmeve agresive kundër drejtësisë e lirisë së medias konstruktin e brishtë të demokracisë rumune. Gazetarët, politikanët e opozitës dhe sidomos shoqëria civile kanë paralajmëruar nga hapat mbrapa të Rumanisë. Bashkimi Europian, shumë i zënë me veten, dhe Hungarinë e Poloninë, e ka kuptuar me vonesë: Rumania është në kthetrat e kleptokratëve, që po e largojnë vendin hap pas hapi nga BE.

Pikërisht ky vend, që në gjysmën e parë të vitit 2019 merr presidencën e radhës së BE. Klauzolat mbrojtëse që u integruan në marrëveshjen e anëtarësimit të Rumanisë, nuk mjaftojnë më si sfond kërcënues: Transformimi i shtetit ka kohë që ka filluar. Presidenti Iohannis dhe BE nuk e kapën momentin e duhur, për të pastruar vendin e aksidentit. Tani nuk u mbetet gjë tjetër, veçse të bashkuar me forcat proeuropiane në vend të mënjanojnë një karambol masiv. Fjalët pa ekuivoke duhet të pasohen nga veprat. Ende nuk duket kështu. Por rreziku është i madh, që një aksident të kthehet në katastrofë me pasoja të rënda e afatgjata./DW



Loading...
Loading...
Loading...

endriti

Share
Published by
endriti

Recent Posts

“Si cjapi te kasapi”/ Mirë protesta, por cili është fundi?

PD dhe LSI, nëse do ti kishin të vërteta përbetimet e tyre, nuk do ta kërkonin zgjidhjen sharje dhe bërtitje…

29 mins ago

S’duron më, largohet portieri i Real Madridit

Kiko Casilla largohet nga Real Madridi tri vite e gjysmë pas kthimit të tij, me destinacion Anglinë. Portieri spanjoll bashkohet…

43 mins ago

“Përgjegjës i një serie përplasjesh, gjurmët e tij të gjakut mund të shtrihen deri në Berlin”, si përfundoi Klement Balili në emrin më të lakuar

Si përfundoi emri i Klement Balilit nga një person i panjohur në emrin më të lakuar? Në prill të 2016,…

48 mins ago

“Çfarë gabimesh ke bërë?” Përgjigjet Bushati

Ministri për Evropën dhe Punët e Jashtme, Ditmir Bushati ka zhvilluar një takim këtë të enjte me homologun hollandez Stef…

1 hour ago

Skënderbeu bën afrimin e dytë, Shehi i habit të gjithë

Skënderbeu ka bërë afrimin e dytë në merkaton e janarit. Trajneri Orges Shehi ka afruar nga ekipi i të rinjve…

1 hour ago

“Hienat politike që duan të na coptojnë e përçajnë në ‘Kadrinjë’ e ‘Kristaqë'”

Shkrimtari Kim Mehmeti është një zë  i fuqishëm  kritik në arenën rajonale shqiptare. Së fundmi ai nuk kalon ps komentuar…

2 hours ago