Beogradi përçan partitë shqiptare në Preshevë, Shqiprim Arifi shkarkohet si kryetar komune - Kosova
Kosova20 Prill 2024, 19:31

Beogradi përçan partitë shqiptare në Preshevë, Shqiprim Arifi shkarkohet si kryetar komune

Shkruar nga Pamfleti
Beogradi përçan partitë shqiptare në Preshevë,
Shqiprim Arifi

Përplasje mes shqiptarëve në Preshevë, shkarkohet Shqiprim Arifi...

Beogradi duket se ka përçarë partitë shqiptare në Preshevë. Kryetari i Komunës Shqiprim Arifi ka deklaruar se është shkarkuar nga detyra në mënyrë të “dhunshme” siç e quan ai, nga autoritetet serbe.

Ai thotë se u shkarkua në mënyrë arbitrare dhe duke mos ndjekur asnjë procedurë ligjore, si dhe pa asnjë njoftim zyrtar. Ndër të tjera, ai akuzon si bashkëautorë të kësaj skeme Ragmi Mustafën, Shaip Kamberin, Ardita Sinanin dhe Argjend Sherifin, të cilët janë përfaqësues të komunitetit shqiptar në Serbi.

Arifi ka thënë se shkarkimi i tij është bërë nga Beogradi në mesnatën e mbrëmshme, teksa e lidh dhe me valvitjene flamurit shqiptar. 

Dje në mesnatë, pushteti autoritar i Beogradit, në mënyrë arbitrare dhe duke mos ndjekur asnjë procedurë ligjore, si dhe pa asnjë njoftim zyrtar, regjimi serb dhe antishqiptar duke vazhduar traditën e Millosheviqit të viteve të 90ta, në mënyrë të dhunshme më SHKARKUAN nga posti i Kryetarit të Komunës së Preshevës. Njëkohësisht, ky regjim antishqiptar dhunshëm instaloi një organ të përkohshëm deri në zgjedhjet e ardhshme.

Ka disa kohë që Vuçiç kërcënon publikisht shqiptarët e Luginës së Preshevës. SHKARKIMI i dhunshëm i imi, mesnatën e mbrëmshme, pa asnjë procedur ligjore dhe asnjë njoftim, ndodh menjëherë pas kërcënimit të fundit publik të Vuçiqit në këtë javë dhe 24 orë pasi u dënova nga Gjykata serbe për vendosjen e flamurit kombëtar shqiptar më 28 Nëntor”, shkruan Arifi.

Ai thekson se diskriminimi ndaj shqiptarëve është agjendë e pandërprerë e politikave të Vuçiçit dhe Serbisë së tij pro-ruse. Sipas tij, me këto veprime raciste antishqiptare që janë trashëgimi e politikave të regjimit të Millosheviqit, Serbia e sotshme e Vuçiëit dëshmon tani më 3 dekada e më shumë, se shqiptarët nuk i konsideron si qenie njerëzore dhe asesi qyetatarë të barabartë në Serbi. Ai shtoi se diskriminimi ndaj shqiptarëve është agjendë e pandërprerë e politikave të Vuçiçit dhe Serbisë së tij pro-ruse.

Pra, në boshtin shoqëror të Serbisë dhe në edukimin filozofiko-politik të Serbisë, ky shtet mbetet në thelb një regjim autokrat i cili nacionalizmin ekstrem serb e përdor kundrejt të gjithëve, në veçanti të shqiptarëve e sidomos ndaj shqiptarëve të Luginës së Preshevës.

SHKARKIMIN tim të dhunshëm, nuk kishte mundur ta realizoj pa ndihmën e pakursyer të shqipfolësve serbofil siç janë: Ragmi Mustafa, Shaip Kamberi, Ardita Sinani dhe Argjend Sherifi si dhe disa kompani lokale mafioze që bashkëpunojnë me qarqet e errëta në Serbi. Kjo klasë politike bashkëpunuese besnik të regjimit serb me dekada, janë bërë vegël e lehtë për Vuçiqin dhe serbinë për të realizuar agjendën e tij antishqiptare në Luginë të Preshevës.

Prandaj edhe kryetari i organit të dhunshëm që u vendos në mesnatën e djeshme nga Vucic, është Ragmi Mustafa i cili para 1 dekade i ka dhuruar pikërisht Vucicit "ZAHVALLNICËN - Mirënjohje " menjëherë pasi e hoqi Vucic lapidarin me emrat e dëshmorëve të UÇPMB-së.

Për SHKARKIMIN tim të dhunshëm dhe për gjithë aktorët të lartcekur, që në vazhdimësi po ndihmojnë Serbinë për të dëmtuar shqiptarët, kam njoftuar partnerët tanë ndërkombëtar SHBA dhe BE.

Me këtë SHKARKIM të dhunshëm nga regjimi serb i jap FUND politikës aktive në Luginë të Preshevës, por në anën tjetër dhe njëherë më shumë më ka motivuar që luftën ndaj padrejtësisë, diskriminimit, pasivizimit dhe luftën për të drejta elementare dhe avokimin e të drejtave të popullit tim, për shqiptarët autokton të këtyre trojeve, ta ngriti në një nivel më të lartë”, shkruan Arifi.

shqiprim arifi serbi presheve kosove