Videopërgjimi “Xhafaj”: Ç’thonë precedentët Nano dhe 21 Janari - Aktualitet
Aktualitet20 Maj 2018, 21:18

Videopërgjimi “Xhafaj”: Ç’thonë precedentët Nano dhe 21 Janari

Shkruar nga Pamfleti
Videopërgjimi “Xhafaj”: Ç’thonë

Videopërgjimi “Xhafaj”: Ç’thonë precedentët Nano dhe 21 Janari

Është apo jo i vërtetë audipërgjimi me personazh vëllanë e ministrit të Rendit?

Është apo jo e vërtetë se Agron Xhafaj merret me afera droge?

Opozita këmbëngul që po, mazhoranca thotë jo.

Rezultate hetimesh ende nuk ka. Kështu që palët enden në deklarime të cilat shoqërohen nga argumente në mbrojtjen fort të qëndrimeve respektive. Dhe kështu besohet të jetë ndarë dhe opinioni, sipas shijes apo bindjes politike, ku një pjesë mendon se po, vëllai i ministrit ka vijuar të merret me afera droge, e një pjesë se jo, ai është një viktimë e lojrave politike të opozitës.

Për atë të mesmin mes dy kampeve, pa emocione politike, e që ka për synim të rrok vetëm të vërtetën e kulluar, që gjithsesi mund jetë nga njëra ose tjetra palë, ka vështirësi.

Madje edhe i nëse qasesh gjetjes të së vërtetës nga gjykimi mbi kriteret etike ndaj saj.

Më konkretisht, opozita, në argumentat e saj ndihmëse po përdor precedentet e mëparshëm të Ramës, atë se dhe në raste të ngjashme, kryeministri që sot po mbron Agron Xhafajn e vëllanë ministër, ka ardhur në pikën që është përgënjeshtruar nga faktet. Pra, thotë opozita: ai kështu mbrojti dhe Roshin, por në fund rezultoi se vërtet ish-kryebashkiakun kavajas kishte probleme të natyrës kriminale me të kalurën e tij; se ai mohoi dhe trafikun e drogës me avionë, por që një ditë fakti iu provua në Divjakë etj.

Dhe tani kalojmë në kahjen tjetër: po mazhoranca a mund ta gjykojë opozitën me të njëjtat kritere etike të raportit më të vërtetën e gënjeshtrën? Patjetër që po. Nga e kaluara ofrohen dy precedentë.

Në prag të zgjedhjeve lokale të 2007-ës, kryeministri Berisha në atë kohë do dilte me një deklaratë anti-Rama duke patur në krah ish-armikun e tij Fatos Nano. Dhe i pyetur mbi akuzat që i kishte bërë ndër vite kundërshtarit socialist – po të së njëjtës natyrë e ashpërsi si dhe sot ndaj Ramës – u përgjigj me një sinqeritet tronditës, deri dhe fyes për opinionin që ishte torturuar me to ndër vite, se ato kishin qenë vetëm për hir të luftës politike. Pra thënë ndryshe, kishin qenë gënjeshtra të domosdoshme në kuptimin makiavelist të fjalës.

Por jo vetëm kaq. 4 vite më vonë do të ndodhte ploja e 21 janarit. Dhe siç është bërë e qartë tashmë, pushteti i asaj kohe, pra Berisha me njerëzit e tij ku ndër ta veçonte Basha si ministër i Brendshëm, manipuluan provat e vrasjeve. Dhe është diçka që as ata vetë nuk kanë marrë mundimin kurrë ta kundërshtojnë duke e kaluar në heshtje.

Pra u bënë dy precedentë të kriterit etik të cilat anojnë kah jo-besueshmëria, siç ata gjykojnë Ramën sot. /tesheshi.com/

Aktualitet Videopërgjimi “Xhafaj”: Ç’thonë precedentët Nano dhe 21 Janari