Të shtëna me armë zjarri kanë tronditur qytetin e Vlorës pasditen e sotme. Sipas policisë së qytetit bregdetar, dyshohet për një person të plagosur.
Ngjarja ka ndodhur rreth otës 17:00 në lagjen “29 Nëntori”.
Sipas të dhënave paraprake mësohet se nga të shtënat ka mbetur i plagosur një person. Ai është shtetasi me inicialet A.G. 51 vjeç, i cili ka plagë në këmbë dhe është dërguar me urgjencë në spital.
Ende nuk dihen arsyet dhe shkaqet, por policia ka shkuar në vendin e ngjarjes dhe po punon për zbardhjen e plotë të saj.
Informacion paraprak
Më datë 16.04.2018, në lagjen “Rilindja”, është plagosur në këmbë me armë zjarri, nga një person i paidentifikuar shtetasi A.G., 51 vjeç.
Shtetasi është transportuar në Spitalin Rajonal Vlorë për të marrë ndihmën e nevojshme mjekësore, aktualisht jashtë rrezikut për jetën.
Grupi hetimor po punon për zbardhjen e sqarimin e plotë të rrethanave të ngjarjes, dhe për identifikimin e kapjen e autorit.