Aktualitet23 Korrik 2019, 16:49

Testi i thjeshtë që ju tregon nëse keni probleme me zemrën

Shkruar nga Pamfleti
Testi i thjeshtë që ju tregon nëse keni probleme me zemrën

Testi i thjeshtë që ju tregon nëse keni probleme me zemrën

Shqetësoheni për rrezikun ndaj sëmundjeve të zemrës?

Lëpini lëkurën për të parë nëse është shumë e kripur. Një studim i ri ka zbuluar se lëkura e kripur mund të jetë një tregues i zgjerimit dhe trashësisë së një pjese të zemrës. Shkencëtarët matën përmbajtjen e kripës tek lëkura e gati 100 njerëzve dhe zbuluan një lidhje mes niveleve të kripës dhe gjendjen shëndetësore të zemrës së tyre.

Njerëzit me sëmundje kronike të veshkave shpesh vuajnë edhe nga sëmundjet e zemrës dhe kanë rrezik më të lartë që të vdesin nga problemet me zemrës. Ata rrezikohen më shumë nga hipertiroza e barkushes së majtë, një zmadhim dhe trashje e mureve të barkushes së majtë të zemrës.

Disa studime sugjerojnë se shkaktar i saj është përdorimi i tepërt i kripës. Shkencëtarët nga Universiteti ErlangenNuremberg, në Gjermani, kanë zbuluar një mënyrë të veçantë për të matur rrezikun për zhvillimin e sëmundjeve të zemrës. Markus Schneider dhe kolegët e tij nga universiteti donin të dinin nëse pacientët me probleme në veshka rrezikoheshin nga sëmundjet e zemrës.

Ata matën përmbajtjen e sodiumit në lëkurë, tensionin e gjakut për 14 orë, masën e barkushes së majtë si dhe llogaritën nivelet në total të ujit në trup. Shkencëtarët zbuluan se përmbajtja e kripës në lëkurë lidhej me tensionin e gjakut dhe problemet e zemrës, ndërsa përmbajtja e ujit në trup jo.

Hipertroza e barkushes së majtë mund të zhvillohet si pasojë e problemeve të ndryshme në trup, si tensioni i lartë i gjakut apo problemet me zemrën, dhe bën që barkushja të punojë më fortë. Përpiquni të kufizoni sa më shumë përdorimin e kripës dhe kujdesuni për shëndetin. Bëni kontrolle të herëpashershme tek mjeku.

Shendeti Testi i thjeshtë që ju tregon nëse keni probleme me zemrën