Showbiz13 Maj 2019, 17:18

Thellohet më shumë skandali! Kush është vëllai i Loredanës që njihet si “Koka e drogës” në Zvicër? I dënu

Shkruar nga Pamfleti
Thellohet më shumë skandali! Kush është vëllai i

Thellohet më shumë skandali! Kush është vëllai i Loredanës që njihet si "Koka e drogës" në Zvicër? I dënuar 73 herë

Familja Zefi në Zvicër njihet si një familje “problematike”. Loredana Zefi ka zhvatur një çift zviceran duke ia marr një shumë prej 900 mijë franga ndërsa vëllai i saj, Fatoni ka një sërë vepra penale nga Gjykata Kantonale e Luzernit.

Sipas një hulumtimi të bërë nga gazeta zvicerane “20 min.ch”, Faton Zefi është dëbuar nga Zvicra. Në maj të vitit 2016, Gjykata Kantonale e Luzernit kishte hedhur poshtë ankesën e tij kundër riatdhesimit. Që nga viti 1999, ai është dënuar jo më pak se 73 herë për vjedhje, raporton Gazeta Insajderi.

“Në bazë të këtyre rrethanave sugjerohet që kërkuesi nuk është i gatshëm dhe as i aftë të respektojë rendin ligjor vendas”, thuhet në arsyetimin e gjykatës zvicerane.

“Faton u konsiderua si Pablo Escobar i Emmenbrucke” thotë një mik i tij i cili jetonte në të njëjtin komunitet me Fatonin.

Ai filloi të shiste marihuanë nga mosha 15 ose 16 vjet, më vonë ai kishte vazhduar edhe me kokainë. Kështu Gjykata Penale e Luzerinit e kishte dënuar atë në mars të vitit 2015 me një dënim prej 18 mujash burg. Fatoni ishte zënë duke tregëtuar substanca narkotike në mes të dhjetorit 2011 dhe 2012. Ai ishte zënë me 300 gram kokainë.

Reperja Loredana Zefi gjatë javës së kaluar është arrestuar nga policia zvicerane pasi ajo dhe vëllai i saj dyshohet se janë përfshirë në një mashtrim të një çifti zviceran duke ia marr një shumë prej 900 mijë franga.

Loredana një ditë pas arrestimi erdhi në Kosovë ku ka mbajtur një konferencë për media duke arsyetuar se ajo nuk i kishte marr para çiftit zviceran.

Loredana ka shtatë vëllëzer dhe dy motra. Gazeta zvicerane shkruan për Loredanën se ajo është rritur në një ambient të “rrezikshëm” së bashku me vëllëzërit e saj.

Showbiz