Rrëfimi i Jada Pinkett Smith në ‘Red Table Talk’ ka vendosur rekord të ri në Facebook për episodin origjinal më të shikuar brenda ditës së parë të. Tregimi i aktores për lidhjen me këngëtarin August Alsina është parë mbi 12 milionë herë brenda 16 orëve të para.
Ka qenë pikërisht Jada, ajo që e ka mbajtur rekordin e mëparshëm të shikueshmërisë, pasi intervista e saj në vitin 2019 lidhur me aferën e pretenduar me Tristan Thompson (babanë e vajzës së Khloe Kardashian) kishte marrë 7.6 milionë shikime brenda një dite.
Gjatë episodit 12 minutësh të titulluar “Jada Brings Herself to the Table”, 48-vjeçarja ka treguar të vërtetën prapa spekulimeve për lidhjen me August, ndërsa ndodhej përballë bashkëshortit të saj 51 vjeçar.
Jada ka shpjeguar se ishte miqësuar me këngëtarin para katër vitesh, gjatë kohës kur ajo dhe Will po kalonin një periudhë të vështirë dhe jetonin të ndarë. Në fakt, me Alsinan (i cili asokohe ishte 23 vjeçar) ishin njohur përmes djalit të çiftit, Jaden Smith.
Ajo kishte dashur ta ndihmonte këngëtarin për problemet me shëndetin mendor. Nga ana tjetër, me Smith ishin ndarë përkohësisht, ndaj dhe raporti me August kishte shkuar në një nivel tjetër.
“Ishte një lidhje, absolutisht. Isha në dhimbje të madhe dhe isha zemër thyer. Në proces të asaj lidhjeje, e kuptova se nuk mund ta gjesh lumturinë jashtë vetes. Doja të ndihesha mirë, kishte kaluar shumë kohë që nuk ndihesha mirë…”, kishte pohuar gruaja e Smith.
Jada dhe Will janë të martuar që nga viti 1997. Ata kanë dy fëmijë bashkë, Jaden (i lindur në vitin 1998) dhe Willow (e lindur në vitin 2000).
