“Ti japim Vlorës shkëlqimin dhe krenarinë e merituar”, Meta bashkëbisedim me studentët: Të rindërtohet një vend i sigurtë për të rinjtë

Presidenti Ilir Meta zhvilloi sot një bashkëbisedim me studentët në Vlorë, që studiojnë brenda dhe jashtë vendit. Ndërsa publikon foto nga takimi, Meta shkruan se ndau me ta ide të çmuara për domosdoshmërinë e angazhimit të tyre energjik, në të gjitha fushat e jetës, për t’i dhënë Vlorës shkëlqimin dhe krenarinë e merituar.

Postimi i plotë :

Kënaqësi të nisja sot ditën, me një bashkëbisedim të ngrohtë në Vlorë me studentë të këtij qyteti, të cilët studiojnë brenda dhe jashtë vendit.

Ndamë shumë ide të çmuara për domosdoshmërinë e angazhimit të tyre energjik, në të gjitha fushat e jetës, për t’i dhënë Vlorës shkëlqimin dhe krenarinë e merituar.

Të dëgjojmë zërin e të rinjve dhe të bëjmë çdo përpjekje për t’ju krijuar të gjitha shanset dhe mundësitë për të ndërtuar të ardhmen e tyre të sigurt në Atdheun tonë.