Me 6 seri, është filmi i simbol sakrifice dashurie i “Tigrit të Malajazisë”, me aktor “Sandokanin” Kabir Beni e si për koincidence emri e bëmash, po me 6 vite “pushtet-para-sex”, është dhe historia erotike-financiare e “tigrit” Arben Ahmetaj, që në kuadër të “rilindjes” ekonomike të Shqipërisë, përveç biznesit “Primo Comunication” (Hermes) dhe 26 bizneseve të tij ku është aksionarë, prej 1 viti po “monitoron” nga afër edhe ecurinë punës pas privatizimit, në hotelin pranë kullës “Olsi-Duka” mbi stadium
Ish-ministrin Arben Ahmetaj, që pazaret e PPP-ve i bën vetëm në anglisht, ndërsa për varfërinë, papunësinë e ndihmën ekonomike flet vetëm shqip, vazhdojnë ta akuzojnë “pa të drejtë”, për korrupsion e shkatërrim të ekonomisë e fuqizim të biznesve të tij, në bashkëpunim me klientët e qeverisë, kur realisht, ai vetëm ka dhënë e ka marrë “përvojë pune” nga oligarkët.
Ndaj, sa herë flitet e kudo që flitet për miliona euro e monopole importi të çdo lloji, për prona e biznese shqiptare që kanë fije lidhëse në Maqedoni, Serbi, Mali i Zi, Kosovë, Bullgari, Rumani, Greqi e Turqi, përmendet emri i “tigrit” Arben Ahmetaj, si kapo i “çetës”, që së fundi, ka nisur ta “gjerb” kafenë në mjediset intime të “Sheraton”.
Nuk e dimë, pse Ben Ahmetaj, nga “Tigri i rilindjes”, po quhet “Tigri i Sheraton”, por sipas informacioneve, këtë epitet ia kanë ngjitur, nga që ai shkon shpesh atje, por duke bërë harkun nga kryministria.
Thonë, se shkon për disa punë njeherësh: Për të ndryshuar “strofullën”; për të mbikëqyrur nga larg, ecurinë e punimeve tek stadiumi, si përfaqësues i 25% të kapitaleve të tij në ortakëri me “kuqeziun” Duka, por edhe për të “gjujtur”.
Ka zëra, që thonë, se si mësues anglishteje, ish-ministër e tashmë shef parlamenti për financat, ekonominë, përqëndrimet e bizneseve (shitjet) dhe për turizmin e një shteti me regjim “PPP”, “tigri” e viziton shpesh hotelin serioz, për të dëgjuar përshtypjet të huajve, lidhur me “rilindjen” e hoteleve me 5 yje, pa kazino.
Por çfarëdo hamendjesh që qarkullojnë, për këtë ndryshim “strofulle”, të ish-“tigrit” të financave, një gjë është tepër e sigurtë: që Ben Ahmetaj, nuk shkon e nuk qëndron kot, as në hije të pemës.
Ndaj dhe ata që e njohin nga afër “profesorin” e firmës “Hermes”, të ligjit që cigare-duhanet e import-eksportit t’i certifikojë vetëm bashkë-ortakja e tij Vilma, thonë “tigri” Ahmetaj, nuk shkon atje, për të matur nivelin e ndotjes prej makinave, as për të “parë filxhan e hedhur fall” me kamarieret e as për t’i thënë “puna e mbarë| bosëve të rinj të cilët nuk i njeh fare.
Po përse shkon, vallë? Eh, vërtetë e quajnë “ujk financash” e “tigër shtrati”, por është “skifter” edhe për “gjueti” të tjera…/Pamfleti
