Tsipras dhe Rama marrin në dorë negociatat për marrëveshjen e “Detit”, shtyrja e paktit për në vjeshtën e vitit të ardhshëm zgjedhor, e sigurtë

Tsipras dhe Rama marrin në dorë negociatat për marrëveshjen e “Detit”, shtyrja e paktit për në vjeshtën e vitit të ardhshëm zgjedhor, e sigurtë

Nëse nuk ka ndryshime në krye të diplomacisë greke, do të jenë dy kryeministrat nënshkrues të marrëveshjes nes Greqisë dhe Shqipërisë. Shtyrja në kohë e firmosjes së paktit nuk ndikon në marrëdhëniet mes dy vendeve

Dorëheqja e ministrit të Jashtëm grek Nikos Kotzias me sa duket nuk ka lanë asnjë boshllëk në diplomacinë greke.

Do të jetë Aleksis Tsipras ai që do të mbajë sëbashku me postin e kryeministrit, dhe portofolin e ministrit të Punëve të Jashtme të Greqisë.

Një fakt të tillë e ka lajmëruar vetë kreu i qeverisë greke, në momentin që pranoi dorëheqjen e Kotzias, për shkak të një përplasjeje në mbledhjen e qeverisë me ministrin e Mbrojtjes, aleatin Manolos Kamennos.

Por Kotzias ka qënë kryenegociatori për marrëveshjen e “Prespës” për emrin e ri të Maqedonisë, negociatat për marrëveshjen e “Detit” me Shqipërinë si dhe për zgjidhjen e mosmarrëveshjeve me Turqinë.

Burimet diplomatike informojnë se edhe këto negociata për palën greke tashmë i ka marrë në dorë kryeministri Tsipras, i cili pritet të kryesojë takimet me delegacionet respektive, sidomos me delegacionin shqiptar me të cilin ende nuk është nënshkruar marrëveshja.

Por në rastin e Shqipërisë ka një handikap, pasi pariteti i bisedimeve nuk lejon uljen në një tryezë negociatash të një kryeministri me një ministër të Jashtëm, pavarësisht mandatimit.

Duket se del emergjente që në krye të delegacionit shqiptar për bisedime të mos jetë Ditmir Bushati, ministër i Jashtëm i Shqipërisë, por vetë kryeministri Edi Rama.

Përballë tij do jetë kryeministri grek Aleksis Tsipras, dhe me shumë gjasa nëse nuk ka ndryshime në krye të diplomacisë greke, do të jenë dy kryeministrat nënshkrues të marrëveshjes së “Detit”.
Duke qënë se dy kryeministrat janë të interesuar për shtyrjen e nënshkrimit të marrëveshjes së “Detit” në vjeshtën e vitit të ardhshëm, Greqia ka zgjedhje në janar ndërsa Shqipëria ka zgjedhje vendore në qershor, tashmë shtyrja e paktit është në dorë të Ramës dhe Tsipras.

Dhe shtyrja pritet të jetë e sigurtë për arësye zgjedhore, sepse marrëveshja e “Detit” do të fuqizonte fiktivisht partitë e opozitës në të dyja vendet, të cilat e kundërshtojnë atë.

Tsipras dhe Rama kanë deklaruar fort se janë gati për të fituar garat zgjedhore të radhës, dhe shtyrja e nënshkrimit të paktit të “Detit” disa muaj me marrëveshje “xhentëllmenësh” mes palëve, nuk do të ndikonte në marrëdhëniet mes dy vendeve fqinje.Pamfleti

 

Loading...
error: Ndalohet ribotimi i artikullit! E drejta e autorit pamfleti.net.
WhatsApp Denonco tek Pamfleti