Presidenti i Republikës, Ilir Meta, vijon të mbajë peng Ministrinë e Brendshme, pasi nuk ka dekretuar akoma ministrin e ri të emëruar nga kryeministri Edi Rama, gjeneralin Sandër Lleshi. Ndërkohë, sot Meta ka gjetur kohë për të dekretuar një tjetër gjeneral, për dhënie grade madhore.
Presidenti Meta ka dekretuar dhënien e gradës “Gjeneral Brigade” për Kolonel Albert Mullain. Albert Mullai është me detyrë “Komandant i Akademisë së Nënoficerëve Tomson”.
Dekreti i Presidentit në mbështetje të Kushtetutës dhe ligjit “Për pushtetet dhe autoritetet e drejtimit e të komandimit të Forcave të Armatosura”. Dekreti i Presidentit Meta për dhënie grade “Gjeneral Brigade” për Albert Mullai hyn në fuqi menjëherë.